२३ घण्टा अघि
२0८१ चैत्र २३ आईतवार
उदयपुर, चैत २४
शान्तिपूर्ण शिक्षक आन्दोलनप्रति सरकारले बेवास्ता गरेको भन्दै नेपाल शिक्षक महासघ, उदयपुरले सोमबारदेखि शैक्षिक हड्ताल गर्ने भएको छ । गुणस्तरीय शिक्षा, विध्यार्थी र शिक्षक कर्मचारीमैत्री शिक्षा ऐन् जारी गराउन जारी शिक्षक आन्दोलनलाई सशक्त र प्रभावकारी बनाउन महासङ्घले 'आम शैक्षिक हडताल'को आव्हान गरेको जनाएको छ ।
चैत २० गतेदेखि काठमाडौ केन्द्रित आन्दोलनरत शिक्षकहरुको मागप्रति यतिका दिनसम्म सरकारले कुनै सुनुवाइ नगरेको प्रतिकृयास्वरुप आन्दोलन चर्काउन शैक्षिक आमहडताल गर्ने निष्कर्षमा पुगेको आईतबार जारी विज्ञप्तिमा उल्लेख छ । महासङ्घ उदयपुरका अध्यक्ष सुभाष विष्टद्वारा जारी विज्ञप्तिमा जारी शिक्षक आन्दोलनलाई निर्णायक बनाउन आम हड्ताल गर्ने निर्णय भएको उल्लेख छ ।विहृप्तिमा आमहड्तालमा सबै शिक्षक कर्मचारीलाई अनिवार्य सहभागी हुन अपिल पनि गरिएको छ ।
विज्ञप्तिमा जिल्लाभरका शिक्षक तथा कर्मचारीलाई माध्यमिक शिक्षा परिक्षा र कक्षा ८ को आधारभुततह परीक्षाको उत्तरपुस्तिका परीक्षण कार्यमा सहभागी नहुन पनि उर्दी जारी गरिएको छ । साथै आन्दोलनमा ऐक्यबद्धता जनाउन सबै विध्यार्थी, अभिभावक, विध्यालय व्यवस्थापन समिति र सरोकारवालालाई समेत विज्ञप्तिमा आग्रह गरिएको छ ।
