१४ घण्टा अघि
२0८१ चैत्र २२ शनिबार
श्रीपुर, चैत २३
त्रियुगा नगरपालिका ५ श्रीपुरमा शुक्रबारदेखि जारी 'पाँचौ वडाध्यक्ष कप फुटबल प्रतियोगिता २०८१' को दोस्रो दिनको खेल एलेभेन क्लब त्रियुगा १० बोक्लेसे जितेको छ । शनिबबारको खेलमा वडा नम्बर ८ राजाबासत्फाई ३-० गोलको फराकिलो अन्तरले पराजित गर्दै बोक्सेले विजयी यात्रा थालेको हो ।
आयोजक श्रिपुर फुटबल क्लबकाअध्यक्ष विष्णु भुजेलका अनुसार बोक्खेसेका खेलाडी सनम राई एक्लैले ह्याट्रिक गर्दै टिमलाई विजयी गराएका हुन् । सनमले करमश: ५४, ५५ र ६० मिनटमा गोल गरेका थिए ।
आईतबारको देलमा त्रियुगा ६ जलजले र त्रियुगा १२ डिएमगेटबिच प्रतिस्पर्धा हुने आयोजक क्लबका सचिव चन्द्र राईले बताएका छन् । वडा कार्यालयको प्रायोजन र श्रीपुर फुटबल क्लबको संयोजनमा आयोजित प्रतियोगिता स्थानीय जनता माध्यमिक विद्यालय श्रीपुरको खेलमैदान भईरहेको छ ।
प्रथम पुरस्कार ४० हजार नगद र ट्रफि रहेको प्रतियोगिताको उपविजेतालाई २० हजार नगदसहित मेडल र प्रमाणपत्र प्रदान गरिने छ । प्रतियोगिताको फाईनल खेल २९ गते शनिबार हुनेछ ।
