मोटरसाईकलको ठक्करले साइकल यात्री बृद्धको निधन

१ दिन अघि

२0८१ चैत्र २0 बिहीबार
मोटरसाईकलको ठक्करले साइकल यात्री बृद्धको निधन

कटारी, चैत २१

कटारीमा बिहीबार भएको सवारी दुर्घट्नामा परी साईकल यात्रीको निधन भएको छ । दिउसो ३:२० बजे कटारी नगरपालिका ४ मुसहरी टोलस्थित मदनमा कटारीबाट सिन्धुलीतर्फ जाँदै गरेको प्रदेश २-०१-००३ प ५४२२ नम्बरको मोटरसाइकलले मदन भण्डारी लोकमार्गमा विपरीत दिशाबाट आउँदै गरेको साईकललाई ठक्कर दिंदा दुर्घटना भएको हो ।


दुर्घटनामा साईकल यात्री जिल्ला सिन्धुली दुधौली नगरपालिका ५ घारीथुम्सी बस्ने वर्ष ७१ को अमरबहादुर सुनुवार गम्भीर घाइते भएका थिए । उनको उपचारको क्रममा कटारी अस्पतालमा ४:१५ बजे चिकित्सकले मृत घोषणा गरेको प्रहरीले जनाएको छ। 


दुर्घटनामा परी घाइते मोटरसाइकल चालक कटारी ६ 
का वर्ष २३ का अनन्त मगर र मोटरसाईकल पछाडि सवार १ जनाको सोही अस्पतालमा प्रहरीको निगरानीमा उपचार भईरहेको छ ।


मोटरसाइकल ईलाका प्रहरी कार्यालय कटारी उदयपुरमा राखी थप अनुसन्धान भईरहेको जिल्ला प्रहरी कार्यालय उदयपुरले जनाएको छ ।