५ दिन अघि
२0८१ चैत्र १४ शुक्रबार
उदयपुर, चैत १५
शुक्रबार राजाबादी समुहले काठमाडौँमा आयोजना गरेको आन्दोलन अराजक बन्दै पत्रकार हत्या र व्यक्तिगत घर जलाउनेसम्मको घटिया हर्कतमा परिणत भएको छ ।
संभापित आतङ्कप्रति सचेत हुँदै सुरक्षा व्यवस्था कडाई गरिए पनि अराजक समूहले एक पत्रकारलाई रिपोर्टिङकै क्रममा आगो लगाएर हत्या गरेको आरोप लागेको छ । त्यसैगरी अराजक तत्वहरुले सञ्चार सँस्था र व्यक्तिको घरमा समेत आगजनी गरि लोकतन्त्र विरोधी हर्कत देखाएका छन् ।
राजाबादीको आगजनीमा परी पत्रकार सुरेश रजकको अनाहकमा ज्यान गएको छ । एभिन्युज टिभिका क्यामेरा पर्सन रजकले भिडियो खिच्दै गरेको घरमै राजाबादीले गरेको आगजनीमा परेर ज्यान गुमाएका हुन् ।
पत्रकार।रजकको दुखद निधनसँगै चैत १६ गते मनाइने नेपाल पत्रकार महासङ्घको स्थापना दिवश खल्लो हुने भएको छ । केन्द्रीय समिति, प्रत्येक जिल्ला र प्रतिष्ठान तथा प्रवास शाखामा मनाइने महासङ्को स्थापना दिवशको अघिल्लो दिन मात्र पत्रकार रजकको दुखद निधन हुनु विडम्बनापूर्ण मानिएको छ ।
पत्रकार रजकको निधनका कारण महासङ्घले शनिवार आयोजना गरेको स्थापना दिवश शोक सभामा परिणत हुने भएको छ ।
स्थापना दिवश हर्षोल्लासरुपमा मनाउने तयारी भईरहेकै बेला एक श्रमजिवी पत्रकार गुमाउनु परेपछि यसवर्ष शोकसभा गर्नुपर्ने विडम्बना आई परेको महासङ्घ उदयपुर शाखा अध्यक्ष भक्तिविलाश पोखरेलले बताए ।
