२ हप्ता अघि
२0८१ चैत्र ४ मंगलवार
बेलटार, चैत ५
चौदण्डीगढीका ३ युवा लागूऔषध प्रयोग गर्दागर्दै प्रहरीको पञ्जामा परेका छन् । आईतबार राति चौदण्डीगढी नगरपालिका ४ का ३१ वर्षीय बासु थापा मगर, ४० वर्षीय लोकेन्द्रराज भण्डारी र २५ वर्षीय सागर थापा मगर पक्राउ परेका हुन् ।
इलाका प्रहरी कार्यालय बेल्टार प्रमुख प्रहरी निरीक्षक बबिन राई नेतृत्वको टोलीले बासुको घरमा लागूऔषधसहित उनीहरुलाई पक्राउ गरेको हो । विशेष सुराकीका आधारमा मगरको घरमा खानतलासी गर्दा प्रयोग भईसकेको र हुन बाँकी प्रतिबन्धित लागूऔषध तथा सिरिन्ज फेला परेको छ ।
इन्स्पेक्टर राईका अनुसार घट्नास्थलबाट ७ एम्फुल प्रयोग भईसकेको र प्रयोग हुन बाँकी ९ एम्पुल लागूऔषध टेपले बेरेको अवस्थामा फेला परेको छ । त्यसैगरी ११ थान सिरिन्ज प्रयोग भईसकेको र ४ थान प्रयोग नभएको गरी १५ थान सिरिन्ज बरामद भएको छ ।
बरामद सामग्रीसहित पक्राउ तीनैजनालाई इलाका प्रहरी कार्यालय बेल्टारको हिरासतमा राखेर अदालतबाट ५ दिनको म्याद लिएर अनुसन्धान भईरहेको इन्स्पेक्टर राईले बताएका छन् ।
