२ हप्ता अघि
२0८१ चैत्र ३ सोमबार
उदयपुर, चैत ४
वैदेशिक रोजागरीका लागि कुवेतमा कार्यरत उदयपुरका युवाहरुको सँस्था ‘उदयपुर मिलिजुली समाज, कुवेत’ले विभिन्न सामाजिक सेवाका कामहरु गर्दै आएको छ । । जस अनुसार भर्खरै ३ जना आर्थिक रुपमा कमजोर र विपन्न परिवारका विरामीहरुलाई उपचार खर्चवापत केही रकम सहयोग गरेको छ ।
समाजका अध्यक्ष मोहन लुईटेललगायत पदाधिकारी र सदस्यहरुले स्वतःस्फुर्तरुपमा सङ्कलन गरेको चन्दा रकम समाजले उदयपुरका विभिन्न ठाउँका विरामीलाई सहयोग प्रदान गरेको हो । जस अनुसार चौदण्डीगढी नगरपालिका ५ का मृगौला विरामी काशीनाथ आचार्यलाई ११ हजार ११ रुपैँया सहयोग दिएको छ ।
आचार्य विगत ३ वर्षयता मृगौला खरावीका कारण उपचारमा छन् । हाल उनी धर्मभक्त माथेमा राष्ट्रिय मानव अङ्ग प्रत्यारोपण केन्द्र भक्तपुरमा उपचार गराईरहेको उनको पारिवारिक स्रोतले जनाएको छ ।
त्यसैगरी नशा च्यापिएर उपचाररत अर्का विरामी रौतामाई गाउँपालिका ४ का तिलकबहादुर राईलाई पनि ११ हजार ११ रुपैँया सहयोग समाजले प्रदान गरेको छ भने त्रियुगा नगरपालिका ११ की कलेजो विरामी अञ्जना बर्याललाई पनि सोही परिमाण ११ हजार ११ रुपैँया प्रदान गरिएको छ । कलेजो प्रत्यारोपनका लागि आर्थिक अभावमा तड्पिईरहेको खवर पाएर सहयोग गरेको अध्यक्ष लुईटेलले बताए ।
अध्यक्ष लुईटेलका अनुसार सहयोग वितरण गर्नका लागि सल्लाहकार संरक्षक युवक राई, पूर्व अध्यक्ष तथा सल्लाहकार इन्द्र पयिार र वरिष्ट उपाध्यक्ष विदुर कार्कीसहितको प्रयासले संभव भउको हो । स्थापनाकालदेखि नै सामाजिक गतिबिधि गर्दै आएको समाजले आगामी दिनमा पनि यस्ता कामहरुलाई निरन्तरता दिदै जाने जनाएको छ ।
