२ हप्ता अघि
२0८१ फाल्गुन २९ बिहीबार
उदयपुर, फागुन २९
बिहीबार राति ट्याक्टरसँग ठोक्किदा मोटरसाईकलमा सवार चालकको निधन भएको छ । सदरमुकाम गाईघाटदेखि चुहाडेतर्फ जाँदै गरेको मोटरसाईकल त्रियुगा नगरपालिका ८ राजाबासस्थित मदन भण्डारी लोकमार्ग अन्तर्गत सरस्वति खोला फुलछेउमा ट्याक्टरसँग ठोक्किदा ३४ वर्षीय चालकको ज्यान गएको हो ।
जिल्ला प्रहरी कार्यालय उदयपुरका सूचना अधिकारी डिएसपी केदारमान दोङका अनुसार प्रदेश २–०१–००१ त २३०१ नं. को रोकिराखेको ट्याक्टरमा ठोक्किन पुग्दा त्रियुगा ७ भाण्टाबारीका भुवन राईको निधन भएको हो । राई बा ६४ प ५१७ नं. को मोटरर्साइकलमा चढेर घरतर्फ जाँदैगर्दा पौने १०ः०० बजे दुर्घटनामा परेको डिएसपी दोङले बताए ।
मृतकको शव पोष्टमार्टमका लागि जिल्ला अस्पताल उदयपुरमा राखिएको छ भने घट्नाबारे थप अनुसन्धान भईरहेको छ ।
