३ हप्ता अघि
२0८१ फाल्गुन २८ बुधबार
उदयपुर, फागुन २८
प्रजातन्त्र सेनानी स्वर्गीय नारदमुनि थुलुङको नाममा हुलाक टिकट प्रचलनमा आउको छ । हुलाक सेवा विभागले थुलुङको नाममा टिकट प्रचलनमा ल्याएको हो ।
मङ्गलबार सञ्चार तथा सूचना प्रविधिमन्त्री पृथ्वीसुब्बा गुरुङ, मन्त्रालयका सचिव राधिका अर्याल र विभागका महानिर्देशक मनमाया भट्टराईले संयुक्त रूपमा टाँचा लगाएर टिकटको उद्घाटन गरेका हुन्।
उद्घाटन कार्यक्रमा मन्त्री गुरुङले नेपालको राजनीतिक रूपान्तरणमा थुलुङको योगदान महत्त्वपूर्ण रह्ेको भन्दै सोही योगदानको कदरस्वरुप टिकट प्रचलनमा ल्याएको बताए । विभागका महानिर्देशक मनमाया भट्टराईका अनुसार १० रुपैँया दरको टिकट ५ लाख थान प्रचलनमा ल्याइएको छ ।
१९६५ चैत २७ गते भोजपुरको साबिक नौलेगाउँ छिन्नामखु हाल टेम्केमैयुङ गाउँपालिका २ मा जन्मिएका थुलुङ राणा शासनविरोधी प्रजातान्त्रिक सेनानी थिए । सन् १९२५ देखि १९३० सम्म बेलायन र १९३४ देखि १९४६ भारतीय गोर्खा सेनामा कार्यरत थुलुङ त्यसपछि २००७ सालको प्रजातान्त्रिक आन्दोलनमा होमिएका थिए ।
