दुव्र्यसनविरुद्ध लड्न १ नं. प्रदेशमा 'फ्यान' अभियान सुरु

३ हप्ता अघि

विराटनगर, फागुन २८ 

१ नं. प्रदेश सरकारले ‘अवको युद्ध दुव्र्यसन विरुद्ध’ भन्ने नाराका साथ प्रदेशस्तरीय अभियान (फ्यान) अभियान सुरु गरेको छ । बुधबार सुनसरीको इटहरी उपमहानगरपालिका ६ स्थित म्याजिक स्टेण्डमा आन्तरिक मामिला तथा कानून मन्त्रालय, प्रदेश प्रहरी कार्यालय बिराटनगर तथा जिल्ला प्रहरी कार्यालय सुनसरीको आयोजनामा अभियानको सुरुवात भएको हो । 

मुख्यमन्त्री हिक्मत कार्कीले दुव्र्यसनविरुद्धको चलाइएको फ्यान अभियानलाई कम्प्युटरको माध्यमबाट डिजिटल बटम थिचेर प्रदेशका १४ वटै जिल्लामा एकैसाथ शुभारम्भ गरे । सो अवसरमा उनले लागूऔषधको दुव्र्यसनले समाजलाई पछाडि धकेलिरहेको बताउँदै आजबाट सुरु भएको लागूऔषधविरुद्धको अभियानलाई सफल बनाउन तीनैतहका सरकार, सुरक्षा निकाय, दुव्र्यवसनविरुद्ध अभियन्ताहरु सवै मिलि सहकार्य र हातेमालो गरी अगाडि बढेमा दुव्र्यसनमुक्त समाज निर्माण गर्न सकिने बताए । 

प्रहरी बैण्डसहित नेपाली सेना, नेपाल प्रहरी, सशस्त्र प्रहरी बल, पूर्व प्रहरी संगठन, बिभिन्न विद्यालय, संघ(संस्था, नागरिक समाज, सञ्चारकर्मी तथा स्थानीयवासीहरुको सहभागितामा लागूऔषधविरुद्ध जनचेतनामुलक प्लेकार्डसहित प्रभातफेरी र्‍याली निकोर कार्यक्रमको शुभारम्भ गरिएको हो ।

कार्कीले फ्यान अभियान अन्तरगत गठन भएका क्लवका पदाधिकारीहरुलाई अभियानको टि(सर्ट बितरण गर्दै  लागूऔषध दुव्र्यसनविरुद्ध विभिन्न सचेतनामुलक कार्यक्रमहरु सञ्चालन तथा जनचेतना अभिबृद्धि गर्ने कार्यमा सकृय बिभिन्न बिद्यालय तथा सँघसँथामा आवद्ध महानुभावहरुलाई प्रशंसापत्र प्रदान पनि गरे ।  अभियानका परिकल्पनाकार तथा २)७४ जेष्ठ ७ गते तत्कालीन सुनसरी जिल्ला प्रहरी प्रमुख रहेका लागूऔषध दुव्र्यसनविरुद्ध हालका प्रदेश प्रहरी प्रमुख नायव महानिरीक्षक (डिआईजी) राजन अधिकारीलाई अतुलनीय सकृयताको उच्च सम्मान गर्दै फ्यान जिल्ला कार्य सम्पादन समितिको तर्फबाट सम्मानपत्र प्रदान गरे । 

कार्यक्रममा फ्यानका परिकल्पनाकार डिआईजी अधिकारीले बिशेष गरी किशोर अवस्थाका बालबालिकाहरु साथी भाईको दवाव, ठूलाबडाको सिको, आफ्नो जिज्ञासा, भ्रम वा अज्ञानताको कारण लागूऔषधको दुव्र्यवसनमा फस्ने उच्च जोखिम रहेको बताउँदै अवको युद्ध दुव्र्यसनविरुद्ध भन्ने नारा तय 
गरेर त्यसलाई आत्मसाथ गर्दै  सबै एकजुट भई अगाडि बढ्न आह्वान गरे ।

कार्यक्रममा प्रदेशका आन्तरिक मामिला तथा कानून मन्त्री रेवतीरमण भण्डारीले धन्यवाद ज्ञापन गर्दै यो कार्यक्रमलाई यतिमै सीमित नराखी आगामी आर्थिकवर्षदेखि थप बजेट तथा नीति कार्यक्रमका साथ लागूऔषध दुव्र्यवसनको बढ्दो दरलाई घटाउन सचेतनामुलक कार्यक्रमसहितको योजना बनाएर अघि बढ्नुपर्ने खाँचो औँल्याए । 

कार्यक्रममा इटहरी उपमहानगर प्रमुख हेमकर्ण पौडेल, तत्कालीन सुनसरी जिल्लाका सहायक प्रमुख जिल्ला अधिकारी तथा फ्यानका पुर्व संरक्षक ध्रुवबहादुर खडका, फ्यान जिल्ला कार्य समिति सुनसरीकी बिमला ढकाल, लागूऔषध दुव्र्यसनविरुद्ध सक्रिय मनोज सुवेदी, फ्यान क्लबका पुर्व विद्यार्थी रञ्जु दाहाललगायतले मन्तव्य दिएका थिए । 

कार्यक्रममा प्रहरी कर्मचारीहरुले ‘जागौँ सबै जागौँ, लागौँ सबै लागौँ दुव्र्यवसनको विरुद्धमा’ भन्ने गितको बोलमा लागू औषध दुव्र्यसनविरुद्ध सचेतनामुलक नृत्यसमेत प्रस्तुत गरेका थिए । प्रदेश सरकार सामाजिक विकासमन्त्री पाँचकर्ण राई, पर्यटन तथा वन मन्त्री सदानन्द मण्डल, प्रदेशसभा सदस्यहरु, बिभिन्न मन्त्रालयका सचिवहरु, प्रमुख जिल्ला अधिकारीहरु, प्रदेश तथा जिल्लास्थित सुरक्षा निकाय प्रमुखहरु, बिभिन्न पालिकाका प्रमुख तथा उपप्रमुख, विभिन्न सुधार केन्द्रका प्रमुख तथा प्रतिनिधि, पूर्व प्रहरी कर्मचारी, बिभिन्न संघसंस्थाका प्रमुख तथा प्रतिनिधि, सञ्चारकर्मी, नागरिक समाज, बुद्धिजिवि, बिभिन्न विद्यालयका शिक्षक एवं विद्यार्थीलगायत प्रहरी कर्मचारीहरुको पनि कार्यक्रमा उपस्थिति थियो ।