३ हप्ता अघि
२0८१ फाल्गुन २६ सोमबार
खोटाङ, फागुन २६
खोटाङको हलेसी तुवाचुङ नगरपालिकाको प्रतिक चिन्ह (लोगो) सार्वजनिक भएको छ । त्रिधार्मिकस्थल हलेसीमा आयोजित एक कार्यक्रममा आईतबार लोगो सार्वजनिक गरिएको हो ।
११५ औं अन्ताष्ट्रिय नारी दिवसको अवसरमा शनिबार दिउसो आयोजित एक कार्यक्रममा प्रत्यात किरात, हिन्दु र बौद्ध धर्मको त्रिधार्मिक संगमस्थलमा लोगो सार्वजनिक गरिएको हो । कार्यक्रममा नेपाली काँग्रेसका नेता तथा पूर्वअर्थमन्त्री प्रकाशशरण महत र हलेसी तुवाचुङ नगरप्रमुख बिमला राईले संयुक्त रुपमा लोगो सार्वजनिक गरे ।
मेयर राईले आधिकारिक प्रतिक चिन्ह बनाउने घोषणा गरेको भन्दै यसमा नगरपालिकाका ऐतिहासिक, धार्मिक, पर्यकटीय तथा पुरातात्विक महत्वका क्षेत्रहरु समेटिएको बताईन् । लोगोलाई नगरपालिकाको आधिकारिक प्रतिकचिन्ह मानेको भन्दै यसलाई संरक्षण गर्दै अघि बढ्ने प्रतिबद्धता पनि जनाईन् ।
लोगो निर्माण गरी नगरपालिकालाई बुझाउन नगरले केबी समयअघि सार्वजनकि सूचना प्रकाशन गरेको थियो । सूचनाका आधारमा ७ वटा लोगो प्रापत भएको भन्दै त्यसमध्ये उत्कृष्ट ठानिएको प्रतिकचिन्हाई नगरपालिकाले पास गरेर सार्वजनिक गरेको जनाएको छ । लोगो निर्माण गर्ने हलेसी तुवाचुङ ४ बडहरेका सन्तोष दाहाल रहेको पनि जानकारी मेयर राईले दिएकी छिन् ।
मेयर राईका अनुसार लोगोमा हलेसी तुवाचुङ नगर ७ स्थित त्रिधार्मिकस्थललगायत नगरका ऐतिहासिक, पुरातात्विक, धार्मिक तथा पृ.र्यटकीयस्थल र हिमालजस्तो पुरातात्विक महत्व बोकेका क्षेत्रहरु अङ्कित गरिएको नगरप्रमुख राईको भनाई छ ।
