३ हप्ता अघि
२0८१ फाल्गुन २३ शुक्रबार
उदयपुर, फागुन २३
गएराति घरकै बरण्डामा सुपाडी काटिरहेका बेला बोलेरो जीपको ठक्करले ज्यान गुमाएका त्रियुगा नगपरालिका १२ डिएमगेटनजिकै एकाघरका दिदीवहिनीको शव आफन्तले बुझेका छन् । गाईघाटस्थित हिमशिखर फर्निचरको सामान बोकेर त्रियुगा बसपार्कतर्फ गईरहेको प्रदेश १०५००१ च ००९१ नम्बरको बोलेरोले डक्कर दिँदा १० वर्षीया देवी दास र दिदी १४ वर्षीया अनु दासको घट्नास्थलमै निधन भएको थियो ।
आफन्तजन र स्थानीयले लापरबाहीपूर्वक जीप चलाएका कारण दुर्घटना भएर बालिकाहरुको ज्यान लिएको भन्दै आफन्तजनले शव बुझ्न मानिरहेका थिएनन् । शुक्रबार विहानदेखि दिउँसोसम्म सर्वपक्षीय छलफल राखेर छलफल गर्दा पीडितपक्षलाई क्षतिपूर्ति भराईदिने निर्णय गरेसँगै आफन्तले शव बुझेको प्रहरीले जनाएको छ ।
जिल्ला प्रहरी कार्यालय उदयपुरमा भएको स्थानीय जनप्रतिनिधि, प्रहरी प्रशासन, गाडी धनी, यातायात व्यवसायी र पीडितपक्षबीच भएको छलफलले पीडित परिवारलाई १६ लाख क्षतिपुर्ति भर्ने सहमति जुटाएको प्रहरीले जनाएको छ । सहमति जुटेसँगै जिल्ला अस्पतालमा राखिएको शवको पोष्टमार्टम गरी आफन्तको जिम्मा लगाइएको जिल्ला प्रहरी कार्यालय उदयपुरले जनाएको छ ।
सुपारी काटिरहेका बालिकाहरुलाई अनियन्त्रित रुपमा हुईकिदै आएको जीपले ठक्कर दिदा ज्इान गुमाएका देवी र अनु सप्तरी स्थायी घर भई गाईघाटका राजेन्द्र मैनालीको घरमा भाडा लिएर बस्दै आएका ललन दासका छोरीहरु भएको स्थानीयको भनाई छ ।
राति खाना खाएर सुत्ने बेला आँखै अगाडि घटेको बिभत्स घट्नाले अवोध दिदीवहिनीको निधन भएकोमा छिमेकीहरुसहित पुरै डिएमगेटबासी शोकाकुल भएका छन् ।
