हुलाकी मार्ग अभियानः सडकभर स्थानीयको स्वागत, चोकचोकमा सभा

३ हप्ता अघि

सर्लाही, फागुन २३

नेकपा (माओवादी केन्द्र)को जागरण अभियानको क्रममा सडकभर स्थानीयले स्वागत गर्दै आएका छन् भने चोकचोकमा सभा हुने गरेको छ । पार्टीले सञ्चालन गरिरहेको ‘जनतासँग माओवादी, तराई मधेस जागरण अभियान’को क्रममा स्थानीयले अभूतपूर्वरुपमा सम्मान र स्वागत गरिरहेका छन् । 

जागरण अभियान टोली शुक्रबार सर्लाही पुगेको छ । फागुन १२ गते झापाको कचनकवलबाट सुरु भएको अभियान झापा, मोरङ, सुनसरी, सप्तरी, सिरहा, धनुषा, महोत्तरी हुँदै सर्लाही पुगेको हो । शुक्रबारै सर्लाहीको कार्यक्रम सकेर अभियान टोली रौतहट जाने 
 तयारीमा छ।

अभियान जिल्ला बढ्दै जाँदा जनसहभागिता पनि बढ्दै गएको छ। पार्टी अध्यक्ष प्रचण्ड नेतृत्वको टोली संलग्न अभियानको क्रममा स्वयं अध्यक्षसहितको टोली विहान ६ः०० वजे मर्निङ वाक गरेर सुरु हुने गरेर राति ९ः०० बजेसम्म चल्ने गरेको छ । 

अभियानको क्रममा सडकभरी फूलमाला बोकेर उभिएका हजारौँ नेता कार्यकर्ता तथा शुभेच्छुकले अध्यक्ष प्रचण्डसहित नेताहरुलाई स्वागत गर्ने गरेका छन् । स्वागत कार्यमा सबै उमेर समूह र बढीजसो महिलाहरु सहभागी हुने गरेको पाइएको छ । स्वागतसँगै चोकचोकमा आयोजना गरिने कोणसभा र जिल्लामा एउटा आमसभामा जिल्लाका अध्यक्ष प्रचण्डलगायत पदाधिकारीसँगै मुख्य नेताहरु सहभागी हुने गरेका छन् । 

जागरण टोली सर्लाही प्रवेश गरेसागै बिहीबारदेखि नै विभिन्न ठाउँमा माओवादी केन्द्र र डा. बाबुराम भट्टराई यनेतृत्वको नेपाल समाजवादी पार्टी (नेसपा)का स्थानीय कमिटीहरुले संयुक्तरुपमा स्वागत कार्यक्रम गर्ने गरेका छन्। नेसपाका अध्यक्ष महेन्द्रराय यादव पनि अभियानमा सहभागी हुनुे गरेका छन् ।

जागरण टोलीलाई हुलाकी मार्गमा पर्ने स्थानीयतहहरु तथा जुनसुकै दलबाट जितेका जनप्रतिनिधि भए पनि पूर्वप्रधानमन्त्रीसहित देशका शीर्ष नेता गाउँ आउनुलाई अवसरको रुपमा लिएको प्रतिक्रिया दिने गरेका छन् । 

अभियान टोलीले जनताकै घरमा सामूहिकरुपमा खाना खाने र बाँडिएर सुत्ने गरेका छन्। शुक्रबार सर्लाहीको अभियान टोली विहानै पर्सा गाउँपालिकाको मुस्लिम वस्तीमा पुगेर रमजानको शुभकामना आदानप्रदान कार्यक्रममा सरिक भएको छ । त्यसपछि चन्द्रनगर, ब्रह्म्पुरी गाउँपालिकाका विभिन्न स्थानमा जनभेट्घाट, स्वागत र चोकसभा सम्पन्न गरी दिउँसो मङ्गलवामा जनसभा आयोजना गरिएको छ ।