१०२ वर्षे पूर्व गोर्खा सैनिकलाई सम्मान 

१ महिना अघि

२0८१ फाल्गुन १४ बुधबार
१०२ वर्षे पूर्व गोर्खा सैनिकलाई  सम्मान 

बेल्टार, फागुन १४

चौडण्डीगढी नगरपालिका ६ बेलटारका १०२ वर्षीय पूर्व गोर्खा सैनिक सम्मान गरिएको छ । विश्वयुद्ध विजेता दिलबहादुर राईलाई ‘गोर्खा सेमिट्रिज ट्रष्ट नेपाल’ले सम्मान गरेको हो ।


खोटाचङको जन्तेढुङ्गा गाउँपालिका ६ निगालबासमा जन्मेर चौदण्डीगढी ६ बेलटार पुमा लाईनमा बस्दै आएका पूर्व बेलायती सेना गोर्खा पल्टन नं १०४३५÷३ आरडी ७–४७५२ का जिउँदो सहिद राईलाई पारुहाङ एकेडेमीमा आयोजित एक कार्यक्रमममा सम्मान गरिएको हो । 


राई दोस्रो विश्व युद्ध बहादुरीपूर्वक लडेर ज्यान र गोर्खा पल्टनको इज्जत जोगाएका थिए । मङ्गलबार प्रजातन्त्र दिवसको अवसर पारेर चौदण्डीगढी ६ स्थित पारुहाङ एकेडेमीले एक कार्यक्रमको आयोजना गरी दोसल्ला, ताम्रपत्र र भोजपुरे खुकुरी प्रदान गरि सम्मान गरिएको हको । उनलाई पूर्व जिल्ला पञ्चायत सदस्य जयमानशेर राई र ट्रष्टका अध्यक्ष महेन्द्र राईले दोसल्द्यला, कदरपत्र र खुकुरी दिएर सम्मान गरे । 

सेमिट्रिज ट्रष्ट नेपालले प्रथम र दोस्रो विश्वयुद्ध लडेका तथा विभिन्न युद्धमा सहादत प्राप्त तथा ज्युदा वीर गोर्खालीहरुको सम्मान र सम्झना गर्दै पुर्खा दिवस ९अप्रिम ५०को अवसर पारेर  सम्मान गर्दै आएको छ । 


संस्थाका सदस्य मनि वान्तावा राईका अनुसार सन् २०१८ मा स्थापना भएको संस्थाले झापा दमकका रामबहादुर लिम्वुसहित १० जनालाई सम्मान गरिसकेको छ । उनका अनुसार ट्रस्टले विश्व शान्ति, वीर गोरखालीहरूको सम्मान र पुर्खा दिवसको अवसर पारेर वीर गोर्खाहरुलाई सम्मान गर्नुका साथै विभिन्न खेलकुद कार्यक्रमका प्रतियोगिताहरु पनि आयोजना गर्दै आएको सँस्थाका अध्यक्ष महेन्द्र राईले बताए । 


अध्यक्ष राईले ट्रष्टले धरानमा आयोजना गर्दै आएको गोर्खा ट्रेललेजर रनको तेस्रो संस्करण आगामी चैत २ गते आयोजना गर्न लागेको जनाएको छ ।