१ महिना अघि
२0८१ फाल्गुन १३ मंगलवार
कानेपोखरी (मोरङ), फागुन १३
मोरङको कानेपोखरीमा आज लामो समयसम्म नेपाली काङ्ग्रेसमा योगदान गरेका पुराना नेता जयराज संयोग लिम्बुसहित एक हजार बढी माओवादी केन्द्रमा प्रवेश गरेका छन्। लामो समय काङ्ग्रेमा योगदान गरेका लिम्बु गत २०७९ को निर्वाचनमा स्वतन्त्रबाट प्रतिनिधिसभा सदस्य उम्मेदवार भएका थिए।
'जनतासँग माओवादी तराई मधेस जागरण अभियान'अन्तर्गत आयोजित कार्यक्रममा उनीहरु माओवादी केन्द्रमा प्रवेश गरेका हुन् । सो अवसरमा महासमिति सदस्य नारायण कार्की पनि माओवादी केन्द्रमा प्रवेश गरेका छन् । अध्यक्ष पुष्पकमल दाहाल प्रचण्डले उनीहरुलाई पार्टी प्रवेश गराए। कानेपोखरी गाउँपालिकाबाट मात्रै ९ सय ४ जना र अन्य पालिकाबाट गरी १ हजार १५ जन एमाले, काँग्रेसका नेता कार्यकर्ता माओबादीमा प्रवेश गरेका हुन् ।
पार्टी प्रवेश गर्दै लिम्बुले आगामी निर्वाचनमा माओवादीको पक्षमा दुई तिहाइ बहुमत ल्याएर कोशी प्रदेशको नाम खारेज गरेर पहिचान स्थापित गर्न आफू माओवादी केन्द्रमा प्रवेश गरेको बताए । अब माओवादीलाई पहिचान पक्षधरको छाता पार्टीको रुपमा स्नथापित गर्न योगदान गर्ने प्रतिबद्धता पनि व्यक्त गरे ।
