१ महिना अघि
२0८१ फाल्गुन ११ आईतवार
कटारी, फागुन ११
अघिल्लो दिनदेखि कटारीमा भईरहेको ‘पाँचौ मेयर गोल्डकप फुटबल प्रतियोगिता ०८१’को आईतबारको खेलमा सिन्धुलीलाई पराजित गर्दै वीरगञ्जले जितको सुरुवात गरेको छ । पर्साको युनाईटेड फुटबल क्लब वीरगञ्जले एनजे सिन्धुलाीलाई २–१ गोलको अन्तरले पराजित गर्दै विजयी विजयी यात्रा प्रारम्भ गरेको हो ।
खेल सुरु भएको २४ औँ मिनटमा वीरगञ्जका खेलाडी अञ्जन बछारले पहलिो गोल गर्दै आप्mनो टिमलाई अघि बढाएका थिए । विपक्षी सिन्धुलीका खेलाडी सञ्जिव धामीले ३४ औँ मिनटमा गोल फर्काउँदै खेललाई बराबरी बनाए ।
तर, मध्यान्तरपछिको खेलमा वीरगञ्ज अर्को गोल थप्न सफल भयो । वीरगञ्जका खेलाडी विक्रम थोकरको ७४ औँ मिनटमा प्रहार गोलमा परिणत हुँदै टिमका लागि दोहोरो गोल बन्न पुग्यो । खेलको बाँकी समय दुवै पक्षबाट गोलरहित सकिएपछि वीरगञ्जसँग सिन्धुली स्तब्ध हुन पुग्यो ।
आईतबारको खेलमा म्यान अफ द म्याच वीरगञ्जका विक्रम थोकर घोषित भए । उनलाई आयोजक नगर युवा तथा खेलकुद विकास समितिका अध्यक्ष दिपक राईले ३ हजार नगद पुरस्कार तथा प्रमाणपत्र प्रदान गरे । सोमबार हुने खेलमा पाहुना टिम समत्से क्लब भुटानसँग काठमाडौँको च्याम्पिएन ब्वाईज क्लबले प्रतिस्पर्धा गर्ने आयोजकले जनाएको छ ।
कटारी नगरपालिकाको प्रायोजन तथा नगर युवा तथा खेलकुद विकास समितिको आयोजनामा शनिबारदेखि सुरु प्रतियोगिताको उद्घाटन खेलमा एनएसएफ क्लब धरान घरेलु टिम कटारी ११ लाई पराजित गरी सेमिफाईनल खेलमा प्रवेश गर्रिसकेको छ ।
कटारी बजारस्थित टाईगर खेल मैदानमा सञ्चालित प्रतियोगिताको पहिलो चरणको खेल पर्सी मङ्गलबार बागमती एफसी सर्लाही र सहलेश युथ क्लब सिरहाबीच प्रतिस्पर्धा भएसँगै सकिनेछ । फागुन १४ र १५ गते सेमिफाईनल हुने प्रतियोगिताको फाईनल खेल १७ गते हुनेछ ।
गोल्डकप उपाधि विजेता टिमले ३ लाख नगदसहित ट्रफी र प्रमाणपत्र तथा उपविजेताले १ लाख ५० हजार नगद, ट्रफी र प्रमाणपत्र पाउनेछ । हरेक दिनको खेलमा म्यान अफ द म्याचलाई ३ हजार नगद पुरस्कार दिइनेछ भने विधागत पुरस्कारतर्फ उत्कृष्ट खेलाडी, सर्वाधिक गोलकर्ता, उत्कृष्ट गोलकर्ता, उत्कृष्ट डिफेन्डर, उत्कृष्ट स्ट्राईकर, अनुशासित खेलाडी र उदीयमान खेलाडीलाई जनही ५ हजार नगद पुरस्कारको व्यवस्था रहेको अध्यक्ष राईले बताएका छन् ।
