१ महिना अघि
२0८१ फाल्गुन ११ आईतवार
कटारी, फागुन ११
कटारी नगरपालिका वडा नम्बर ५ ले स्थानीय खेलाडीलाई नगलसहित सम्मान गरेको छ। गत बुधबार सम्पन्न 'बागमती यु-२० गर्ल्स सेभेन्स नेसनल रग्बी च्याम्पियनसिप'मा १ नं. प्रदेशबाट प्रथम स्थान ल्याउन सफल स्थानीय सलेश युथ क्लबका खेलाडी सम्मानित भएको हो ।
गत साता काठमाडौँमा आयोजित यु-२० गर्ल्स नेश्नल रग्बी च्याम्पियनसिपको पहिलो संस्करणमा श्लेष विजयी भएको गियो । राष्ट्रियस्तरको खेलमा विजयी बन्न सफल भएको भन्दै क्लब र खेलाडी टोलीलाई वडा कार्यालयले सम्मान गरेको हो।
मघ्येपुर युथ एसोसिएसनको खेल मैदानमा बुधबार सम्पन्न फाईनलमा सलेशले कर्णाली रग्बीलाई १०-० स्कोरले पराजित गर्दै उपाधि जितेको थियो । १ नं. प्रदेशको प्रतिनिधित्व गर्दै प्रतिस्पर्धामा उत्रिएको सलेश टिम उपाधि जितेर वडाको इज्जत राखेको भन्दै नगद १० हजारसहित वडा कार्यालयले खेलाडी टिमलाई सम्मान गरेको हो।
शनिबार एक कार्यक्रमको आयोजन गरी र वडाध्यक्ष मोहन तामाङले खेलाडीलाई नगद तथा सम्मानपत्र प्रदान गरे । सो अवसरमा वडाध्यक्ष तामाङले रग्बी खेलमा प्रदेशकै प्रतिनिधित्व गर्नुका साथै उपाधि पनि जितेर आफ्नो वडाको नाम र शीर उचो बनाईकोमा धन्यबाद दिए । खेलाडीहरु राष्ट्रको सम्पति र गहना भएको भन्दै उनले आगामी दिनमा खेलकुद क्षेत्रमा सक्दो सहयोग गर्ने प्रतिबद्धता व्यक्त गरे ।
प्रतियोगितामा सलेशसहित सुदूरपश्चिम, कर्णाली, गण्डकी, मधेश र बागमती प्रदेशसहित नेपाल महिला रग्बी क्लब र हिमालयन टाइगर रग्बी क्लब गरी ८ टिमले सहभागिता जनाएका थिए।
प्रतियोगितामा उत्कृष्ट खेलाडी र उत्कृष्ट प्रशिक्षकको उपाधि पनि सलेशले पाएको छ । उत्कृष्ट खेलाडीको उपाधि सलेशकी आरुषी भट्टराईले पाएकी छिन् भने उत्कृष्ट प्रशिक्षक नवीन दर्लामी घोषित भएकाो क्लबले जनाएको छ ।
