१ महिना अघि
२0८१ फाल्गुन १0 शनिबार
उदयपुर,, फागुन १०
जुवा तास खेल्नेप्र्रति आक्रामक बन्दै गएको उदयपुर प्रहरीले शुक्रबार रातिप आधादर्जनलाई पक्राउ गरेको छ । केहीदिनअघि मात्र १२ जनालाई रङ्गेहात पक्रेको प्रहरीले गएराति ६ जनालाई नियन्त्रणमा लिएको हो ।
जिल्ला प्रहरी कार्यालयबाट खटेको टोलीले सदरमुकाम त्रियुगा नगरपालिका १२ स्थित बबिता चौधरीको घरमा तास खेलिरहेको अवस्थामा फेला पारी उनीहरुलाई पक्रेको जनाएको छ ।
पक्राउ पर्नेमा त्रियुगा १२ सगरमाथा टोलका वर्ष ३१ का नबिन तामाङ, सोही वडाको बुद्धचोकका वर्ष ३४ का थमान राई, त्रियुगा ११ संगमटोलका ५४ वर्षीय बिन्द्र तामाङ, ११ कै बिशाल नगर टोलका वर्ष ४३ का अम्वरबहादुर राय, र ३३ वर्षीय बबिन्द्र राई र थ्रियुगा ११ को साकेला टोलका ३५ वर्षीय उमेश दाहाल रहेका छन् ।
विशेष सूचनाको आधारमा प्रहरी निरीक्षक सुमन बानियाँको कमाण्डमा खटिएको प्रहरी टोलीले निजहरुलाई नियन्त्रणमा लिएको हो । प्रहररीले उनीहरुको साथबाट नगद ४१ हजार ८ सय २५, सिक्का ६७ वटा र १८ बुक तास र खुल्ला ५ सय पत्ती तास बरामद भएको जनाएको छ ।
पक्राउ परेकाहरुलाई जिल्ला प्रहरी कार्यालय उदयपुरमा राखी आवश्यक अनुसन्धान सुरु भएको जिल्ला प्रहरी प्रमुख एसपी हरिहरजाथ योगीले बताए । शुक्रबार राति पक्राउ परेको र शजिबार कार्यालय बिदा परेकाले आईतबार मात्र अदालतबाट म्याद गप्ने तयारी भईरहेको एसपी योगीले बतनएका छन् ।
