१ महिना अघि
२0८१ फाल्गुन ९ शुक्रबार
उदयपुर, फागुन ९
यसअघि पनि पटकपटक दुर्घटना हुँदै आएको उदयपुरगढी गाउपालिका ७ जोगीनीटोलमा गएराति जन्ती बस र ट्रक एकापसमा ठोक्किर एक बृद्ध जन्तीको निधन भएको छ । घाईते २५ मध्य ५ जनाको अवस्था गम्भीर छ ।
बिहीवार राति ९:०० वजेजस्तो समयमा बारा जिल्लाबाट जन्तीबोकेर गाईघाटतर्फ आउदै गरेको बाग्मती प्रदेश ०६-००१ ख ०१९५ नं. को बस र विपरीत दिशाबाट तेजपत्ता बोकी कटारीतर्फ जाँदै गरेको ना ८ ख २४०४ नं. को मिनी ट्रक ठोक्किँद ादुर्घटना भएको प्रहरीले जनाएको छ ।
मदन भण्डारी लोकमार्ग अन्तर्गत जोगिनीटोलको घुम्ती सडकमा ३२ जना जन्ती बोकेको बस तथा चालक र सहचालक गरी २ जना सवार ट्रक एकापसमा ठक्कर खाई दुर्घटना भएको प्रहरी भनाई छ ।
घाईते २६ जनालाई उपचारार्जिथ ल्ला अस्पताल ल्याइएकोमा गम्भीर ४ जनालाई बिराटनगर रिफर गरिएको थियो । जसमध्ये वारा गढी गाउँपालिका ४ का ७० वर्षीय सीताराम धामीकछो उपचारकै क्रममा निधन भएको हो ।
बाँकी ३ जनाको न्यूरो अस्पताल बिराटनगरमा उपचार भईरहेको छ । २ घाईतेको जिल्ला अस्पताल उदयपुरमा उपचार भईरहेको छ भने २० जनालाई उपचारपछि डिसचार्ज गरिएको छ ।
दुर्घटनाको सूचना पाए लगत्तै खटेको जिल्ला प्रहरी कार्यालयका निरीक्षक सन्तोष कार्की कमाण्डको टोलीले घाईतेको उद्धार गरी उपचारार्थ जिल्ला अस्पताल गाईघाट पठाएको थियो । दुर्घटनाका कारण अबरुद्ध भएको सडक तत्काल प्रहरी टोलीले हटाई सुचारु गराएको निरीक्षक कार्कीले बताए । बस र ट्रक भने घठनास्थलमै रहेका छन् ।
बस र ट्रकका दुवै चालकलाई सामान्य उपचार पश्चात जिल्ला प्रहरी कार्यालयको नियन्त्रणमा राखेर अनुसन्धान सुरु भएको प्रहरी प्रमुख एसपी हरिहरनाथ योगीले बताएका छन् ।
