१ महिना अघि
२0८१ फाल्गुन ७ बुधबारखाँबु, फागुन ७
त्रियुगा नगरपालिका १५ खाँबुका एक बृद्ध भीरमुनि मृत अवस्थामा फेला परेका छन् । खाँबु कुभिण्डेका ६१ वर्षीय शेरबहादुर मगर मङ्गलबार राति भीरमुनि मृत अवस्थामा फेला परेको वडाध्यक्ष गणेश तिम्सिनाले बताए ।
घाँस काट्न भन्दै सोमबार दिउँसो घरबाट निस्केका मगर राति अवेरसम्म घर नफर्केपछि भोलिपल्ट विहानदेखि आफन्तले उनको खोजी सुरु गरेका थिए । आफन्त, नाता र छरछिमेक कसैसँग सम्पर्कमा नभएको पत्ता लागवेपछि परिवारले जङ्गलतिर खोज्दा घरदेखि केही टाढा जङ्गलको भीरमुनि मृत अवस्थामा भेटिएको वडाध्यक्ष तिम्सिनाले बताएका छन् ।
उनको सोही दिन लडेर निधन भएको अनुमान गरिएको छ । मगरको शव प्रहरीको सहयोगमा पोष्टमार्टमका लागि बुधबार विहान सदरमुकामस्थित जिल्ला अस्पताल ल्याइएको छ ।