लगूऔषधमा उदयपुरका एकसहित ३ युवक पक्राउ 

१ महिना अघि

२0८१ फाल्गुन ६ मंगलवार
लगूऔषधमा उदयपुरका एकसहित ३ युवक पक्राउ 

उदयपुर, फागुन ६

लागूऔषध कारोबारमा संलग्न भएको आरोपमा प्रहरीले उदयपुरका एकसहित ३ जना युवालाई पक्राउ गरेको छ । प्रहरीले उदयपुर, सुनसरी र मोरङबाट ती युवालाई ठूलो परिमाणको लागूऔषधसहित नियन्त्रणमा लिएको हो । 

 

जिल्ला प्रहरी कार्यालय उदयपुरबाट खटेको टोलीले अघिल्लो साँझ सदरमुकाम त्रियुगा नगरपालिका ३ का २७ वर्षीय दिपेश चौधरीलाई पक्राउ गरेको हो । चौधरीको साथबाट ५७ एम्पुल विभिन्न थरीका लागूऔषध बरामद भएको छ । 

 

त्यसैगरी सुनसरीको धरान उपमहानगरपालिका १६ का २० वर्षीय निशान तामाङलाई २ खाले लागूऔषधसहित नियन्त्रणमा लिएको छ । प्रदेश प्रहरी कार्यालय विराटनगरका अनुसार जोरसखुवास्थित अस्थायी प्रहरी चौकीबाट नियन्त्रणमा परेका उनको साथबाट प्रतिबन्धित लागूऔषध ट्रमाडोल १ सय ८२ क्याप्सुल र स्पास्पेन १ सय ८२ चक्की बरामद भएको छ ।  

 

उता मोरङको मिक्लाजुङ ७ स्थित इलाका प्रहरी कार्याल्य मधुमल्लाबाट खटेको टोलीले विशेष सूचनाका आधारमा २० वर्षीय मनिष राईको घरमा खानतलासी गर्दा विभिन्न खाले प्रतिबन्धित लागूऔषधसहित पक्राउ गरेको छ । उनको साथबाट ट्रामाडोल ९६ थान, स्पास्टीन २ सय ३८ क्याप्सुल र नाईट्रेजेपाम ४ ट्याब्लेट बरामद भएको प्रदेश प्रहरी कार्यालयले जनाएको छ । 

 

सम्बन्धित प्रहरी कार्यालयकै हिरासतमा राखिएका उनीहरुलाई अदालतबाट म्याद थपेर अनुसन्धान कार्य अघि बढाइएको प्रहरीले जनाएको छ ।