१ महिना अघि
२0८१ फाल्गुन ४ आईतवार
कटारी, फागुन ४
आज विहान कटारी नगरपालिका ७ मर्जेटपुरमा मोटरसाईकल दुर्घटनामा पर्दा चालक सोही ठाउँका युवकको निधन भएको छ । उनीसँगै पछाडि सवार अर्का घाईते भएका छन् ।
सिरहाको मिर्चया–कटारी सिद्धिचरण लोकमार्ग अन्तरगत कटारी ७ नौडाडामा शनिबार विहान ३ः०० बजेजस्तो समयमा भएको दुर्घटनामा परी मर्जेटपुर घर भई कटारी ४ माविटोलमा बस्दै आएका २३ वर्षीय रविन तामाङको निधन गएको प्रहरीले जनाएको छ ।
इलाका प्रहरी कार्यालय कटारीका अनुसार मिर्चैयाबाट कटारीतर्फ आउँदै गरेको प्रदेश २–०१–००३४ प १३०४ नम्बरको मोटरसाईकल सडकमा आफैँ अनियन्त्रित भई दुर्घटनामा परेको अनुमान गरिएको छ । दुर्घटनामा परी पछाडि सवार सिराहाको धनगढीमाई नगरपालिका १४ दम्लीका २३ वर्षकै किरण तामाङ घाईते भएका छन् ।
गम्भीर घाईते भएकाले उनलाई कटारी अस्पतालमा प्रारम्भिक उपचारपछि थप उपचारका लागि बीपी स्वास्थ्य विज्ञान प्रतिष्ठान धरान पठाइएको छ । प्रारम्भिक अनुसन्धानले दुर्घटनाको कारण तिव्र गति भएको भन्ने खुलेको छ । तर, विस्तृत कारण खुल्न भने अनुसन्धान र पोष्टमार्टम रिपोर्ट नै पर्खनुपर्ने इप्रका कतारीले जनाएको छ ।
इप्रकाका इन्सपेक्टर दिपक खरेलले विहान उज्यालो नहुदैको घट्ना भएकाले तिब्र गति र अँध्यारोले नै दुर्घटना भएको अनुमान गर्न सकिने बताए । उनका अनुसार विहान १ः०० देखि ३ः०० बजेभित्रको घट्ना भएको हुनसक्ने अनुमान गरिएको उनको भनाई छ । प्रहरीलाई भने विहान ९ः०० वजेपछि मात्र जानकारी आएको खरेलले बताएका छन् ।
दुर्घटनाग्रस्त मोटरसाईकल प्रहरी चौकी बेलसोतमा राखिएको भने मृतकको शव पोष्टर्माटमका लागि कटारी अस्पतालमा ल्याइएको छ । घटनाबारे थप अनुसन्धान भईरहेको प्रहरीले जनाएको छ ।
