दिरु मझुवागढी माओबादी अध्यक्षमा दानबहादुर, एकीकृत समाजबादीका दर्जन बढीको पार्टी परित्याग

१ महिना अघि

खोटाङ, माघ २९ 

नेपाल कम्युनिष्ट पार्टी (माओवादी केन्द्र)को दिक्तेल रुपाकोट मझुवागढी नगर कमिटी दानबहादुर राईको नेतृत्वमा गठन भएको छ । पार्टी नगरको सोमबार राति सम्पन्न दोस्रो अधिवेशनले दिक्तेल रुपाकोट मझुवागढी नगरपालिका १२ जालपाका वडाध्यक्षसमेत रहेका राई सर्वसम्मत अध्यक्ष चयन भएका हुन् । 

५५ सदस्यीय कमिटीको उपाध्यक्षहरुमा हात्तीराम राई, गङ्गाबहादुर विश्वकर्मा र शरद राई छानिएका छन् । सचिवमा डिल्लीराम खड्का ‘डिआर’, सहसचिव सिर्जना राई र कोषाध्यक्ष सुवती राई चयन भएको निर्वाचन समितिले जनाएको छ । 

त्यसैगरी सदस्यीयमा पार्वती आचार्य, तुलाराम विश्वकर्मा, रोहितकुमार सैँजू, टङ्कप्रसाद आचार्य, गोमा विश्वकर्मा र दीर्पनारायण आचार्य, ध्रुवबिक्रम राई, सप्तमणि राई र रेनुका दाहाल छानिएका छन् । रामकुमार हिङमाङ, राजकुमार राई, विनोद राई र केशव पुर्कुटी, सुरेश बस्नेत, देवान राई, टीकाराम श्रेष्ठ र गणेशबहादुर अधिकारी पनि सदस्य चयन भएका छन् ।

सदस्य चयन हुने अनयमा मिनाकुमारी घिमिरे, उमेश राई, सुकदेव राई, चेतनाथ आचार्य, पर्शुराम राई, रविन राई, मनोज खड्का, सीताराम राई, जितबहादुर हिङमाङ, रुपक परियार, दिनेश कठेत, जयकला राई, सर्वजित राई, पर्शुराम बानियाँ, कविराज राई, देउकुमार राई, लालबहादुर मगर ‘एलबी’, दिलकुमार राई, ज्ञानेन्द्र विश्वकर्मा चयन भएका छन् ।

निर्वाचन समिति संयोजक कृष्ण गुरुङले बताए अनुसार अन्य सदस्यमा धनशोभा राई, वीरश श्रेष्ठ, गङ्गा विश्वकर्मा, स्मीता राई, विष्णुमायाँ तामाङ, डार्विन चाम्लिङ, कल्पना बास्तोला, जगतभक्त राई, रिजन राई, भूपेन्द्र किराती र अम्बिका ढकाल छानिएका छन् । 

नवगठित कमिटीलाई पार्टी केन्द्रीय सदस्य एवम् संविधानसभा सदस्य समिता कार्की ‘अस्मिता’ले पद तथा गोपणीयताको शपथ ग्रहण गराईन् । पार्टीका केन्द्रीय वरिष्ठ उपाध्यक्ष तथा पूर्वउपप्रधान तथा गृहमन्त्री नारायणकाजी श्रेष्ठले उद्घाटन गरेको कार्यक्रमको समापनमा पार्टी केन्द्रीय सदस्य एवम् संविधानसभा सदस्य दुर्गाजयन्ती राई, केन्द्रीय सदस्य ध्रुब बुढाथोकी ‘धिरेन’, प्रदेश उपाध्यक्ष देवान किराती ‘पृथ्वी’लगायत नेताहरुको उपस्थिति थियो ।

उद्घाटन कार्यक्रममा माओबादी प्रवेश गर्ने नेकपा (एकीकृत समाजवादी) खोटाङका जिल्ला सदस्य हर्कराज राई, निर्वाचित वडा सदस्य तथा खार्मी वडा पार्टी अध्यक्ष वीरेन्द्र राई, सदस्य दिलकुमार राईलगायत दर्जन बढी नेता कार्यकर्तालाई उपाध्यक्ष श्रेष्ठ र केन्द्रीय सदस्यहरुले स्वागत गरेका थिए ।