१ महिना अघि
२0८१ माघ २६ शनिबार
चतारा, माघ २६
नेपाली काँग्रेसनिकट कर्मचारीहरुको पेशागत सँस्था नेपाल निजामति कर्मचारी युनियन उदयपुरको अध्यक्षमा तेजबहादुर पोखरेल चयन भएका छन् । शुक्रबार बेलका नगरपालिका ८ चतारामा सम्पन्न नवौँ जिल्ला अधिवेशनले पोखरेलको नेतृत्वमा २० सदस्यीय नयाँ कार्यसमिति चयन गरेको हो ।
नवगठित समितिको ३ उपाध्यक्षमा दिपक पोखरेल, श्यामकुमार सुन्दास र निरु कार्की छानिएका छन् भने सचिव खड्गबहादुर आले, कोषाध्यक्ष रोहित श्रेष्ठ र सहसचिवमा मोहनकुमार केसी छानिएका छन् । सदस्यमा क्रमशः पुरुषोत्तम बस्नेत, पुष्प थापा, दिलबहादुर धौलाकोटी, सुनिल पोखरेल, केशब पौडेल र अन्जना कार्की छानिएका छन् । त्यसैगरी मनोज दनुवार, श्यामकुमार चौधरी, सुरेश पोखरेल, प्रकाश राउत, अर्जुन खड्का, ममता विक र सन्जिव कार्की ढोली पनि सदस्य छानिएका छन् ।
अधिवेशनले ५ जना केन्द्रीय महाधिवेशन प्रतिनिधि र ५ जना प्रदेश प्रनिनिधि पनि छानेको छ । प्रदेश प्रतिनिधितर्फ पानालाल भगत, राजकुमार मोते, सुशील भण्डारी माली, प्रतिमा सिलवाल र पुष्पराज सापकोटालाई छानेको निवर्तमान अध्यक्ष भववति खतिवडाले बताएकी छिन् ।
त्यसैगरी महाधिवेशन प्रतिनिधिमा नवराज गिरी, उत्तम भट्टराई, भुपध्वज रायमाझी, चिरञ्जीवी निरौला र भगवती खतिवडा चयन भएका छन् ।
