१ महिना अघि
२0८१ माघ २५ शुक्रबार
नेपालटार, माघ २५
जिल्लाको उदयपुरगढी गाउँपालिका ६ मा आयोजित ‘रैथाने बाली तथा कृषि उपज खाना परिकार मेला’मा सहभागी २ दर्जन कृषक पुरस्कृत भएका छन् । बिहीबार आयोजित एकदिने मेलामा विभिन्न ६ विधामा प्रथम, दोस्रा, तेस्रो र सान्त्वना स्थान पाउने २४ जनालाई पुरस्कृत गरिएको हो ।
गाउँपालिका कृषि शाखाको आयोजना र साहस नेपालको साझेदारीमा आयोजित मेलामा स्थानीय किसानले उत्पादन गरेका अन्नबाली, फलफुल तथा कृषि उपजको प्रदर्शन तथा विक्री वितरणका स्टलहरु राखिएका थिए । स्थानीय कृषक तथा उद्यमी व्यवसायीहरुको उत्पादनलाई संरक्षण, प्रबद्र्धन र बजारीकरण गर्ने उदेश्यले मेला आयोजना गरिएको गाउँपालिका कृषि शाखा अधिकृत पारशमणि फुयालले बताए ।
मेलामा विभिन्न घरेलु उत्पादनदेखि, रैथाने अन्नबाली, फलफुल र खानाका परिकार गरी ४ सय बढी स्टलहरु राखिएको थियो । कृषि उपज मकै, कोदो, फापर, धान–चामलजस्ता अन्नबाली तथा त्यसबाट बनेका परिकारहरु मेलामा राखिएका थिए । सागसब्जी, बन्दा, कोवी, लसुन प्याज, आलु, ब्रोकाउली, फलफुलतर्फ सुन्तला, केरा, बयर, जुनार, निबुवा, कागती मेलामा राखिएको थियो ।
खानाका परिकारतर्पm कोदोको रोटी, सेल रोटी, मःम, ढिँडो, फापरको मःम, रोटी, ढिडो, भुटेको मकै भटमास, गुन्द्रुकको अचार, अण्डा करीलगायत परिकारहरु राखिएका थिए । विभिन्न गेडागुडी र मुला तथा मासुको अचारका परिकारहरुले मेलालाई आकर्षण थपेको थियो ।
कृषकहरुको उत्पादनलाई प्रचारप्रसार र बजारीकरण गर्दै अर्थोपार्जन गराई उनीहरुलाई गाउँघरमै आत्मनिर्भर बनाउन सके युवा विदेश पलायन रोक्न सकिन्छ भन्ने मनसाय महोत्सवको थियो । यसले स्थानीय अन्नबालीको संरक्षण, संबद्र्धन गनुृका साथै हराउँदै गएका अग्यार्निक खानाका परिकारको प्रबद्र्धन पनि हुने हुँदा गाउँमै स्वरोजगार बन्न सकिने सन्देश पनि दिने गाउँपालिकाको विश्वास छ ।
प्रदर्शनीमा सहभागी कृषकहरुलाई ६ बिधामा प्रतिस्पर्धा गराई पुरस्कृत गरिएको छ । जसमा वडा नं. ८ वडाका चङ्खबहादुर राई रौथाने बाली÷विउ समूह र रैथाने खाना परिकार गरी २ विधामा प्रथम पुरस्कार प्राप्त गर्न सफल भए । ६ नं. का भीम सुर्खेती फलफुल समूहमा प्रथम भए भने स्थानीय उत्पादन सामग्री समूहमा २ नं. की पेशलकुमारी मगर प्रथम भईन् ।
तरकारी बाली समूहमा ८ नं. का ढकबहादुर राना मगर प्रथम हुँदा विविध समूहमा ६ नं. की हेमकुमारी ढुङ्गाना र प्रथम भएको कृषि शाखाले जनाएको छ । उनीहरुलाई गाउँपालिका अध्यक्ष मानबहादुर केप्छाकी मगर र उपाध्यक्ष जीतबहादुर खड्काले संयुक्त रुपमा नगद पुरस्कार तथा प्रमाणपत्र प्रदान गरे ।
