माओबादीको हुलाकी लोकमार्ग अभियान फागुन ३ गतेदेखि

२ महिना अघि

उदयपुर, माघ १८ माघ 

नेकपा (माओबादी केन्द्र)ले आयोजना गर्ने 'हुलाकी लोकमार्ग अभियान' आगामी पागुन ३ गतेदेखि गर्ने तय गरेको छ । पछिल्लो केन्द्रीय समिति बैठकको निर्णय अनुसार झापाको कचनकवल गाउँपालिकाबाट हुलाकी लोकमार्ग केन्द्रित अभियान सुरु गर्ने तय भएको हो ।

केन्द्रीय कार्यक्रम अनुरुप पार्टींले देशव्यापी रुपमा पर्ने ६ महिने यात्रा कचनकवलबाट सुरु गर्न लागेको हो । हुलाकी लोकमार्गदेखि सुरु हुने अभियान महाकाली पुगेर पुनः मदन भण्डारी लोकमार्ग हुँदै सोलुखुम्बुको सगरमाथा फेदीमा पुगेर समापन गर्ने जनाइएको छ ।

शुक्रबार पार्टी झापाको पाचौँ पूर्ण बैठकले हुलाकी लोकमार्ग केन्द्रित अभियान सफल बनाउनका लागि कार्यविभाजनसमेत गरेको छ । त्यसका लागि पार्टी नेता कार्यकर्ता परिचालनदेखि गाउँ–नगर अधिवेशन सम्पन्न गर्नेलगायत कार्य भर्इरहेको पार्टी जिल्ला सचिव मोहन टुडूले बताए । 

बैठकमा पार्टी १ नं. प्रदेश इञ्चार्ज तथा उपमहासचिव हरिबोल गजुरेलले पार्टीलाई मजबुत  बनाउन नेता–कार्यकर्ता रुपान्तरण हुनुपर्नेमा जोड दिए । त्यसका लािग पार्टीभित्रका अन्तरविरोध हटाउनुपर्ने बताउदै गजुरेलले सुधारात्मक अन्तरविरोध आवश्यक रहेको औंल्याए । 

‘पार्टीलाई मजबुत बनाउन सबै नेता–कार्यकर्ताहरु तल्लोतहसम्म उत्रिएर वैचारिक रुपमा नागरिकलाई संगठित गर्नुपर्छ’ इञ्चार्ज गजुरेले भने ‘अब युवाहरु जाग्नु अनि लाग्नु पर्छ ।”

पार्टी कमजोर हुनुमा नेता कमजोर नभई नीतिगत त्रुटी मुख्य कारण भएको उनको बुझार्य छ । ‘बिरुवा आधुनिक भए पनि परम्परागत रुपमा मजलज गर्दा प्रतिफल पाउन सकिँदैन’, उनले भने ‘हाम्रो विचारमा सुधार गर्न नसक्दा पार्टी कमजोर भयो, त्यसलाई सुधार्नु पर्छ ।’

बैठकमा केन्द्रीय सदस्य धर्मशीला चापागाईंले पूर्वलाई पार्टी केन्द्रले ध्यान दिनुपर्ने बताईन् । अर्का केन्द्रीय सदस्य इन्द्र आङ्बोले पछिल्लो समय माओवादी पार्टीप्रति जनाधार बढेको बताउदै उत्पादन र रोजगारीको क्षेत्रमा काम गर्नुपर्ने विचार राखे ।

बैठकको औचित्यमाथि प्रकाश पार्दै जिल्ला इञ्चार्ज झलकसिंह दर्लामीले पार्टी  मजबुत बनाउन विशेष अभियान सञ्चालन गर्न लागेको जानकारी दिए । अभियान सफल बनाउन पार्टीलाई एकीकृत र केन्द्रीकृत बनाउने कार्ययोजना बनाइएको उनले बताए । 

जिल्ला समन्व्य समिति झापाका अध्यक्ष राजु आचार्य (अग्नि)को अध्यक्षतामा सम्पन्न बै७कमा पार्टी कचनकवल गाउँ कमिटी अध्यक्ष सुकराज लिम्बूले स्वागत गरेका थिए भने कार्यक्रमको सञ्चालन जिल्ला सचिव मोहन टुडूले गरेका थिए । 

बैठकमा पार्टी केन्द्रीय सदस्यहरु लक्ष्मीदेवी न्यौपाने, रञ्जित तामाङ, हरिकुमार राना,  ज्योतिसिंह दर्लामी, भजेन्द्र चापागाईं, लोकबन्धु कन्दङ्वा, केन्द्रीय अनुशासन आयोग सदस्य पूर्णसिंह राजवंशी, प्रदेश उपाध्यक्ष मणिकुमार साम्पाङ, प्रदेश कोषाध्यक्ष रेवतराज पुरीलगायत नेताहरु उपस्थित थिए ।