मदन लोकमार्गको जोगीटोलमा मृत भेटिए घले

२ महिना अघि

२0८१ माघ १५ मंगलवार
मदन लोकमार्गको जोगीटोलमा मृत भेटिए घले

उदयपुर, माघ १५ मदन भण्डारी लोकमार्ग अन्तर्गत गाईघाट–नेपालटार खण्ड जोगीटोलमा ४३ वर्षीय नयन्द्र घले मङ्गलबार मृत फेला परेका छन् । उदयपुरगढी गाउँपालिका ७ घलेडाँडाका नयन्द्रलाई स्थानीयले विहान देखेर प्रहरीलाई खवर गरेका थिए । लोकमार्गको कल्भर्ट छेउमा मृत अवस्थामा देखेर प्रहरीलाई खवर गरेको प्रत्यक्षदर्शी स्थानीय होम बस्नेतले बताएका छन् । कल्भर्टमुनि घोप्टो परेको अवस्थामा मृत फेला परेको भेटिएपछि अहिले प्रहरी टोली घट्नास्थल पुगेर अनुसन्धान थालेको छ । जिल्ला प्रहरी प्रमुख एसपी हरिहरनाथ योगीका अनुसार डिएसपी राजन चापागाई नेतृत्वको टोली घट्नास्थल पुगेर अनुसन्धान भईरहेको छ । छिटो अनुसन्धान गर्न भर्खरै सङ्घीय प्रहरी कार्यालय धरानबाट तालिम प्राप्त कुकुरसहितको टोली घट्नास्थल आईपुगेको एसपी योगीले बताए । अहिले प्रहरीले घट्नास्थलक्षेत्रलाई सिल गरेर अनुसनधान गरिहेको र के कारण कसरी घट्ना भयो भन्नेबारे लासको पोष्टर्टम र अनुसन्धान नगरी भन्न नसकिने एसपी योगीले बताए । अहिलेलाई पोष्टपार्टमका लागि जिल्ला अस्पताल ल्याउन शव उठाउने प्रयास भईरहेको छ ।