२ महिना अघि
२0८१ माघ ९ बुधबार
उदयपुर, माघ ९
नेकपा (माओबादी केन्द्र) निकट पत्रकारहरुको सङ्ठन प्रेस सेन्टर नेपालको अध्यक्षमा अभि लामिछाने चयन भएका छन् । बुधबार गाईघाटमा सम्पन्न पाचौँ जिल्ला अधिवेशनले लामिछाने नेतृत्वमा नयाँ जिल्ला कमिटी चयन भएको हो ।
१७ सदस्यीय कमिटीका २ उपाध्यक्षमा रुपा चामलिङ र गोपालकृष्ण तिम्सिना चयन भएका छन् । सचिवमा दिनेश राई, २ सहसचिवमा विक्रम राई र भमवना राईलाई छानेको छ भने कोषाध्यक्षमा सन्तोष कार्की छनौट भएका छन् ।
अधिवेशनले सदस्यमा विन्द्र राई, चेवान राई, विजय कार्की, सुनिल राई, आकाश बलम्पाकी, विजय राई ,भुवन कार्की र नयनराज राई छानेको छ ।
प्रदेश प्रतिनिधिमा राजेन्द्र दुष्ट, राकेश नेपाली र होम बस्नेत चयन भएका छन् भने केन्द्रीय प्रतिनिधिमा गजेन्द्र राई र विदुर कटुवाललाई चयन गरेको सेन्टरका निवर्तमान अध्यक्ष शुपराज राईले बताए ।
माोबादी केन्द्रका बैकल्पिक केन्द्रीय मोहन खत्रीले उद्घाटन गरेको अधिवेशनमा पा्टी प्रदेश सदस्य द्रोण पौडेलको पनि सहभागिता थियो । कार्यक्रममा केन्द्रीय सदस्य खत्री र प्रदेश सदस्य पौडेलले प्रशिक्षणात्मक मन्तव्य राखेका थिए ।
त्यसैगरी सेन्टरका जिल्ला ईन्चार्ज तथा केन्द्रीय सदस्य महेश्वर चामलिङ, सँस्थापक अध्यक्ष तथा अर्का केन्द्रीय सदस्य हरिकुमार राईले शुभकामना मन्तव्य दिएका थिए ।
अध्यक्ष राईको सभापतित्वमा सम्पन्न खुल्ला सत्रमा उपाध्यक्ष राकेश नेपालीले स्वागत मन्तव्य दिएको केन्द्रीय सदस्यहरू भोटराज राई र यमन दनुवारले पनि शुभकामना भनाई राखेका थिए ।
