२ महिना अघि
२0८१ माघ ६ आईतवार
उदयपुर, माघ ६
१ नं. प्रदेश प्रमुख पर्शुराम खापुङ रौतापोखरी पुगेका छन् । रौतामाई गाउँपालिका ६ नं. वडामा रहेको रौतापोखरी उदयपुरको मात्र नभएर प्रदेशभरीकै महत्वपूर्ण पर्यटकीयस्थलमध्ये एउटा गन्तव्य हो ।
त्रियुगा नगरप्रमुख बसन्त बस्नेत र प्रमुख जिल्ला अधिकारी हरिप्रसाद घिमिरेसँगै त्यहाँ पुगेका प्रमुख खापुङलाई रौतामाई गाउँपालिकाका अध्यक्ष वीरेन्द्र मगर र उपाध्यक्ष भूपेन्द्र थापाले स्वागत गरेका थिए । सो अवसरमा अध्यक्ष मगरले रौतापोखरीसम्म पुग्ने सडक स्तरोन्नति, पोखरी संरक्षण, वनस्पति तथा पोखरी क्षेत्रको जमिनको सुरक्षालगायत कुराका लागि आवश्यक बजेटको पहल गर्न लिखित पत्र पेश गरेका छन् ।
‘प्रदेश प्रमुख रौतापोखरी भ्रमणमा आउनुभएको छ, उहाँलाई न्यानो स्वागत ग¥यौँ । साथै पोखरी क्षेत्रको विकास निर्माणका लागि आवश्यक बजेट र पहलको माग पनि ग¥यौँ’ अध्यक्ष मगरले भने ‘रौतापोखरी यो पालिकाको मात्र नभएर सिंगो १ नं. प्रदेशकै प्रमुख पर्यटकीय गन्तव्यमध्ये एक हो । त्यसैले यहाँसम्म आउने सडक स्तरोन्नतिसहित कालोपत्रे गर्ने, पोखरी संरक्षण, मन्दिर व्यवस्थापनसँगै यो क्षेत्रको जमिन र सम्पदाको संरक्षण गर्न लिखितरुपमा प्रदेश प्रमुखलाई माग गरियो ।’
सदरमुकाम गाईघाटदेखि ४८ किलोमिटर उत्तरमा पर्ने रौतापोखरी ऐतिहासिक, धार्मिक तथा प्रचुर पर्यटन विकासको संभावना बोकेको ठाउँ हो । समुद्री सतहदेखि १ हजार ९ सय मिटर उचाईमा रहेको यो ठाँउमा सफा पोखरी तथा चारैतिर हेर्दा मनमोहक दृष्य देख्न सकिन्छ । धनकुटाको भेडेटारभन्दा धेरै गुणा राम्रो बनाउन सकिने संभावना रहे पनि सडक व्यवस्थित नहुदा पर्यटकलाई आउजाउ गर्न समस्या भईरहेको छ ।
गाईघाटदेखि रानीबाससम्म सगरमाथा लोकमार्ग अन्तर्गत गाईघाट–दिक्तेल सडक र रानीबासदेखि रौतापोखरी जोडिएको सडक डहरसम्मको खण्ड कालोपत्रे भईसकेको छ । तर, डहरदेखि पोखरीसम्मको खण्ड भने कच्ची भएकाले बर्खायाममा यातायात आउजाउ गर्न समस्या हुने गरेको छ ।
रौतापोखरीमा पर्यटक आगमन बढाउन डहर–पोखरी खण्ड सडक स्तरोन्नतिसहित कालोपत्रे गर्नु अत्यावश्यक भएकाले त्यसका लागि बजेट व्यवस्था गर्न सङ्घ र प्रदेश सरकारसँग आग्रह गरिरहेको मेयर बस्नेतले बतँए । पछिल्लो समय गाउँपालिकाले रौतापोखरीलाई गाउँपालिकाले महत्वपूर्ण गन्तव्य मान्दै पूर्वाधार संरचना निर्माणदेखि पोखरीक्षेत्रको जमिन घेराबार तथा विरुवा रोपेर संरक्षण र संबद्र्धन गर्ने काम भईरहेको अध्यक्ष मगरले बताएका छन् ।
