ठुलो परिमाणको ब्राउनसुगरसहित ५ जना पक्राउ

२ महिना अघि

२0८१ माघ ४ शुक्रबार
ठुलो परिमाणको ब्राउनसुगरसहित ५ जना पक्राउ

उदयपुर, माघ ४ 

प्रहरी कार्यालय झापा, मोरङ र उदयपुरका युवाहरु ठूलो परिमाणको लागू औषधसहित पक्राउ परेका छन् । अघिल्लो दिन झापाको मेचीनगर नगरपालिका ६ र भद्रपुर नगरपालिका ३ बाट प्रतिवन्धित लागूऔषध ब्राउनसुगरसहित ३ जना पक्राउ परेका् छन् । माघ २ गते राति विशेष सुचनाको आधारमा मेचीनगर ६ स्थित मेचीपुलमा इलाका प्रहरी कार्यालय काँकरभिट्टा र लागूऔषध नियन्त्रण व्युरो
काँकरभिट्टाको संयुक्त टोलीले चेकजाँचको क्रममा उनीहरुलाई  पक्राउ गरेको हो । 


पक्राउ पर्नेमा झापा अर्जुनधारा नगरपालिका ८ का ३५ वर्षीय अर्जुन श्रेष्ठ र भारतको पश्चिमबंगाल दार्जेलिङका ३० वर्षीय मो. अनवर हुसेन रहेका छन् । उनीहरुको साथबाट प्रहरीले ६.६६० ग्राम ब्राउनसुगर र नेपाली रुपैया २० हजार बरामद गरेको प्रदेश प्रहरी कार्यालय विराटनगरले जनाएको छ । पक्राउ दुईजनाको बयानका आधारमा भद्रपुर नगरपालिका ३ की ४५ वर्षीया दोमासी राजबंशी पनि पक्राउ परेकी छिन् । उनको घरमा ब्राउनसुगर लुकाईराखेको भन्ने जानकारीका आधारमा घर खानतलासी गर्दा २०१.१९० ग्राम ब्राउनसुगर बरामद भएको छ । बरामद ब्राउनसुगरसहित पक्राउ तीनैजनालाई इलाका प्रहरी कार्यालय काँकरभिट्टा राखेर थप अनुसन्धान सुरु भएको छ । 


यसैबीच विराटनगर प्रहरीले ब्राउनसुगरसहित पाँचथर र उदयपुरका दुई युवा पक्राउ परेका छन् । झापाको मेचीनगर नगरपालिका ६ स्थित लागूऔषध नियन्त्रण व्युरो काँकरभिट्टाको टोलीले
चेकजाँचको क्रममा पाँचथरको फिदिम नगरपालिका १३ का ३० वर्षीय सनम राईलाई २.३६ ग्राम ब्राउनसुगरसहित पक्राउ गरेको छ । त्यसैगरी लागूऔषध नियन्त्रण व्युरो विराटनगरले बिराटनगर महानगरपालिका १५ बाट उदयपुरको बेलका नगरपालिका ४ का ४० वर्षीय सुरज खडकालाई १.३६ ग्राम ब्राउनसुगरसहित पक्राउ गरेको छ ।