२ महिना अघि
२0८१ माघ ३ बिहीबार
चितवन, पुस ३ पुस
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले बोटे समुदायको विकास लागि राज्यले विशेष कार्यक्रम ल्याउनुपर्ने बताएका छन् । चितवनको माडी नगरपालिका १ बनकट्टास्थित बोटे सामुदायिक होमस्टे पुगेका अध्यक्ष प्रचण्डले बोटे समुदायलाई आदिवासी जनजातिमा राखेको हुनाले राज्यले विशेषरुपले सोच्नुपर्ने बताभए ।
अध्यक्ष प्रचण्डले भने ´बोटे समुदायलाई आदिवासी जनजातिमा राखेको हुनाले बोटे जातिको विकासका लागि राज्यले अली विशेष किसिमले सोच्नुपर्छ भन्ने म ठान्दछु, मैले सक्दो आफ्नो ठाउँबाट पहल गर्नेछु।´उनले बोटे समुदायको प्रगति भएको बतउदै भने`तपाँइहरु जो नदीको तीरमा बसेर डुङ्गगा चलाएर जीविकोपार्जन गर्नेबाट अहिले होमस्टे चलाएर पर्यटक आकर्षित गर्ने ठाउँमा पुग्नुभएको छ, पक्कै पनि यो तपाइहरुको समुदायको प्रगति हो । यसलाई अझै बढाएर लैजानुपर्छ ।´
बडुवामा रहेको सोमेश्वर माध्यमिक विद्यालयको स्वर्णजयन्तीको समुद्घाटन गर्न माडी पुगेका अध्यक्ष प्रचण्डलाई बोटे सामुदायिक होमस्टेमा स्थानीयले स्वागत गरेको थिए । सो अवसरमा अध्यक्ष प्रचण्डले बोटे समुदायका अगुवाहरुसँग संक्षिप्त कुराकानी पनि गरे ।
बोटे अगुवाहरुले आफ्नो समुदायको साँस्कृतिक घर निर्माण आवश्यक रहेको बताएका थिए । जवाफमा अध्यक्ष प्रचण्डले बोटे समुदायको साँस्कृतिक घर बनाउन आफुले सहयोग गर्ने प्रतिवद्धता व्यक्त गरे । बोटे समुदायको राजधानीको रुपमा चिनिने यो गाउँमा पुगेर उनले पहिलो पटक बोटे सँस्कृतिसँग साक्षत्कार गरेको उनको सचिवालयले जनाएको छ ।
