२ महिना अघि
२0८१ पुष २८ आईतवार
उदयपुर, पुस २९
सशस्त्र प्रहरी बल उदयपुर, त्रियुगा हेडक्वाटरले आयोजना गरेको रक्तदान कार्यक्रममा दुई दर्जन बढीले रगत दिएका छन् । ‘१४ औँ शसस्त्र प्रहरी दिवस २०८१’ को अवसर पारेर आईतबार आयोजित रक्तदान कार्यक्रममा २६ जना सशस्त्र प्रहरीले रक्तदान गरेका हुन् ।
सशस्त्र प्रहरी बल ५ नं. गण हेडक्वाटर त्रियुगाको आयोजना र नेपाल रेडक्रस सोसाईटी उदयपुरको समन्वयमा सशस्त्र प्रहरी दिवसको अवसर पारेर रक्तदान कार्यक्रम राखिएको हो । रेडक्रस भवनमा आयोजित रक्तदानमा सशस्त्र प्रहरी बलका डिएसपी लक्ष्मण खड्का, निरिक्षक जीवन खतिवडा, नरेश चौधरी र सुरेन्द्र लम्साले रक्तदान गरेका थिए ।
त्यसैगरी सशस्त्र प्रहरी नायव निरीक्षक देवनारायण ठाकुर, टीकाबहादुर राई, प्रहरी बरिष्ठ हबल्दार रिम्खाबहादुर श्रेष्ठ, प्रहरी हबल्दारहरु धनबहादुर राई, रामविलास चौधरी, देवराज निरौला, राजन बस्नेत, सहायक हबल्दार नवराज घले मगर, रमेशकुमार थापा, यम्बर खड्का, प्रिन्स बस्नेत, रेशम हमाल, गुणराज राई, गोबिन्द पौडेल र जवानहरु दिपक राई, कमल भण्डारी, ईन्द्र वाइबा, रेवनकुमार अधिकारी, सागर खतिवडा, कपिलकुमार दमाई, पृथलाल श्रेष्ठ तथा रिपु परियारले रगत दिएको आयोजकले जनाएको छ ।
सशस्त्र प्रहरी दिवसको अवसर पारेर रक्तदानसँगै अन्य अतिरिक्त क्रियाकलापका कार्यक्रम पनि आयोजना गर्ने गणले जनाएको छ ।
