२ महिना अघि
२0८१ पुष २६ शुक्रबार
खोटाङ, पुस २६
नेकपा (माओबादी केन्द्र) निकट प्रेस सेन्टर नेपाल खोटाङ तिब्र संगठन विस्तारमा लागेको छ । यसै क्रममा जिल्लाका विभिन्न स्थानीयतहस्तरीय प्रेस सेन्टर नेपालको समिति गठन भईरहेको छ ।
जस अनुसार शुक्रबार सम्पन्न भेलाले जिल्लाको ऐसेलुखर्क गाउँपालिकास्तरीय समिति भर्खर गठन भएको छ । प्रेस सेन्टर नेपाल खोटाङका इन्चार्ज भिम राईका अनुसार ऐसेलुखर्कमा पुस्कल राई नेतृत्वमा स्थानीयतहस्तरीय समिति गठन भएको छ । समितिको उपाध्यक्ष देवराज दाहाल छानिएका छन् भने सचिव बुद्धिकुमार राई चयन भएका छन् ।
सार्जन राई सहसचिव छानिएको समितिको कोषाध्यक्ष याङ्जी शेर्पा छिन् । सदस्यमा दिलबहादुर विक, नकुल राई, विनोद राई, सुप्रिया राजभण्डारी, पुरोषोत्तम बर्देवा, दिक्षा राई सर्वसम्मत चयन भएका छन् । समितिमा थप एक–एकजना सदस्य हरेक वडाबाट प्रतिनिधत्व हुनेगरी पछि चयन गरिने इन्चार्ज राईले बताए ।
