२ महिना अघि
२0८१ पुष २३ मंगलवार
उदयपुर, पुस २३
हिजो मात्र गाईघाट मेनचोकमै ट्याक्टरले ठक्कर दिँदा स्कुटर चालक ठहरै भए । २४ घण्टा मात्र बित्दा गाईघाटकै पिजी चोकमा मंगलबार सााभ्m ट्रकले साईकलयात्रीलाई ठक्कर दिदा त्रियुगा ११ नगरपालिका पछाडि घर भएका ५६ वर्षीय हर्कबहाखदुर विक गम्भीर घाईते भएका छन् ।
साँझ पौने ६ः०० बजे पूर्वबाट पश्चिमतर्फ जाँदै गरेको प्र १–०२–००२ ख ०५८५ नं. को मालबाहक ट्रकले ठक्कर दिँदा सोही दिसातर्फ जाँदै गरेका साईकल यात्री विक गम्भीर घाईते भएको पिजी चोकमै ड्युटीरत प्रत्यक्षदर्शी महिला प्रहरी हवल्दारले बताईन् । उनका अनुसार साईकललाई ठक्कर दिएर तिब्रगतिमा भागेको ट्रक मेनचोकसम्म पछ्याएर नियन्त्रणमा लिनुपरेको छ । ठक्कर दिएर भागेको ट्रकलाई नियन्त्रणम ालिन अपरिचित यात्रीको मोटरसाईकल चढेर पछ्याउनु परेको उनले बताईन् ।
घाईते विकलाई उपचारार्थ जिल्ला अस्पताल पठाइएकोमा अवस्था गम्भीर रहेकाले थप उपचारका लागि विराटनगर रिफर गरिएको अस्पताल प्रहरी बिटले जनाएको छ ।
सोमबार दिउँसो मात्र मेनचोकनजिकै ट्याक्टरको ठक्करबाट स्कुटीमा सवार जिल्लाको रौतामाई गाउँपालिका ७ मुर्कुचीका ४० वर्षीय बासु खड्काको ज्यान गएको थियो । दिनहु दुर्घटना हुन थालेपछि गाईँघाटबासीले सवारी असुरक्षा बढेको महसुसर गरेका छन् ।
