सवारी दुर्घट्नामा खड्काको निधन

२ महिना अघि

२0८१ पुष २२ सोमबार
सवारी दुर्घट्नामा खड्काको निधन

उदयपुर, पुस २२

गाईघाटमा सोमबार ट्याक्टरले ठक्कर दिँदा स्कृटर चालकको निधन भएको छ । सोमवार गाईघाटको मेनचोक नजिकै स १ त ७८ २१ नम्वरको ट्याक्टरले प्रदेश १–०५–००१ प ७६८४ नम्वरको स्कुटरलाई पछाडिबाट ठक्कर दिँदा स्कुटर चालक बासु खड्काको  निधन गएको हो ।

 

रौतामाई गाउँपालिका ७ मुर्कृचीका ४० वर्षीय खड्का दुर्घटनामा परी गम्भीर घाईते भएका थिए । तत्काल उद्धार गरि जिल्ला अस्पताल लगिएकोमा डाक्टरले मृत घोषित गरेको जिल्ला ट्राफिक प्रहरी कार्यालय उदयपुरका हवल्दार भुवन राईले बताए ।

 

ट्याक्टर र चालक त्रियुगा नगरपालिका ४ का क्रान्ति चौधरीलाई नियन्त्रणमा लिइएको छ । मृतकको शव पोष्टमार्टमका लागि जिल्ला अस्पतालमै राखिएको छ भने घट्नाबनरे अनुसन्धान सुरु भएको प्रहरीले जनाएको छ ।