३ महिना अघि
२0८१ पुष १६ मंगलवार
कटारी, पुस १५
गुरुङ समुदायको महान् चाड ‘तमु ल्होसार ०८१’ उदयपुरमा भव्य रुपमा मनाइएको छ । जिल्लाका विभिन्न भागमा छरिएर रहेका गुरुङहरु जिल्लाको कटारीमा जम्मा भएर सोमबार दिनभर विविध कार्यक्रम गरी ल्होसार मनाएका हुन् ।
विभिन्न स्थानीयतहमा बसोबास गर्ने गुरुङहरु कटारीमा ल्होसा मनाउन जम्मा हुँदा छिमेकी सिन्धुलीबाटसमेत सहभागिता भएको थियो । गुरुङ समुदायले ल्होसारलाई नयाँ वर्षको रुपमा स्वागत गर्दै मनाइएको हो । ल्होसार मनाउन सोमबार विहानदेखि कटारी बजारस्थित भूगोलपार्कमा गुरुङहरु भेला भएका थिए ।
कटारी २ को गराँसमा गन्य सङ्ख्यामा गुरुङ समुदायको बसोबार छ भने आसपासमा छिटफुट छरिएर बसेको अवस्था छ । कटारीमा जम्मा भएका उनीहरुको जमघटमा ल्होसार मनाउन सिन्धुलीको दुधौली नगरपालिका र आसपासका गुरुङहरु पनि मिसिन आईपुगेको ‘तमु ह्युल छोंज धी’ उदयपुरले जनाएको छ । तमु ह्युल छाँज धी गुरुङ राष्ट्रिय परिषद उदयपुर र सिन्धुलीको संयुक्त आयोजनामा ल्होसार कार्यक्रम आयोजना गयरिएको हो ।
छोंज धीले ल्होसारको अवसरमा नयाँ वर्षको शुभकामना आदान प्रदान मात्र गरेन, विभिन्न खेलकुद प्रतियोगिता र साँस्कृतिक कार्यक्रमसमेत आयोजना ग¥यो । विविध कार्यक्रमसहित मनाउनु पर्दा विहानदेखि झमक्कै साँझसम्म समय लागेको स्थानीय रोहित गुरुङले बताए । उनका अनुसार गुरुङ समुदायको पहिचान मानिने छेलो हान्ने (गहु्रँ ढुङ्गा उचालेर टाढा फ्याँक्ने) प्रतियोगितासमेत आयोजना गरियो ।
१३ जना प्रतिस्पर्धीले भाग लिएको छेलोमा प्रतियोगितामा भानुभक्त गुरुङ प्रथम भए । उनी ६ किलोको ढुङ्गा २७.५ फिट प्mयाँकेर प्रथम स्थान हासिल गर्न सफल भएका हुन् । त्यस्तै सन्तोष गुरुङ २४.२ फिट फ्याँक्दै दोस्रो भए भने विदुर गुरुङ २३.७ फिट छेलो हान्न सफल भई तेस्रो स्थान पाए । छेलो गुरुङ समुदायको परम्परागत र पहिचान भएकाले महत्वपूर्ण खेल मानिने रोहितले बताए । त्यसैगरी ‘घैला फोर्ने’ प्रतियोगिता पनि आयोजना गरिएको थियो ।
गुरुङ भाषाको गीतमा विभिन्न कलाकारहरुले नृत्य प्रस्तुत गर्दै ल्होसारलाई आकर्षक बनाइएाके थियो । कार्यक्रममा उदयपुर २ (ख)का प्रदेशसभा सदस्य रामकुमार खत्री, कटारी नगरप्रमुख तथा उपप्रमुख क्रमशः राजेशचन्द्र श्रेष्ठ र गीता खड्का तथा वडाध्यहरु क्रमशः कटारी २ का प्रेम थापा, ३ का पुष्कर खड्का र ७ का सुविन ढुङ्गानाले ल्होसारको शुभकामना आदानप्रदान गर्न कार्यक्रमस्थल पुगेका थिए ।
गुरुङ समुदायले परम्परागत जातीय भेषभुषाका साथ ल्होसार मनाएको कटारीमा यो पहिलो पटक हो । ‘ल्हो’को अर्थ वर्ष र ‘सार’ भन्नाले फेरिनु अर्थात पुरानो वर्ष फेरिएर नयाँ आउने अवसरलाई गुरुङ भाषामा ‘तमु ल्होसार’ भनिएको अगुवा गुरुङहरु बताउँछन् ।
