३ महिना अघि
२0८१ पुष १३ शनिबार
विराटनगर, पुस १३
सर्वोच्च अदालतका दुई महिला न्यायाधीश सपना प्रधान मल्ल र सारङ्गा सुवेदी प्रदेश प्रहरी कार्यालय विराटनगरको अवलोकन गर्न आएका छन् प्रहरी कार्यालयकै अवलोकनका क्रममा शनिबार पुगेका न्यायाधीशद्वयलाई प्रदेश प्रहरी प्रमुख डिआईजी राजन अधिकारीले स्वागत गरेका थिए ।
न्यायाधीशद्वयले प्रदेश प्रहरी कार्यालयको अपराध अनुसन्धान शाखा, महिला बालबालिका सेवा केन्द्र, सामुदायिक शाखा तथा शिशु स्याहारकक्षको अवलोकन गरेका थिए । अवलोकनको क्रममा उनीहरुले कार्यालय परिसरमा विरुवासमेत रोपेका थिए ।
न्यायाधीशद्वयको भ्रमणको क्रममा उच्च अदालत विराटनगरका मुख्य न्यायाधीश रमेशप्रसाद राजभण्डारी, मोरङ जिल्लाका प्रमुख जिल्ला अधिकारी प्रेमप्रसाद भट्टराई, प्रदेश प्रहरी तालिम केन्द्रका समादेशक एसएसपी अबिनारायण काफ्ले, प्रदेश प्रहरी गण विराटनगरका एसपी प्रदिप क्षेत्री, जिल्ला प्रहरी मोरङका एसपी नारायण चिमरीयालगायतको उपस्थिति थियो ।
