३ महिना अघि
२0८१ पुष ११ बिहीबार
उदयपुर, पुस ११
अघिल्लो दिउँसो खोटाङमा रोकिराखेको टाटा सुमो आफै गुडेर दुर्घटना हुँदा गम्भीर घाईते बृद्धको निधन भएको छ । जिल्लाको केपिलासगढी गाउँपालिका १ फेदीतर्फ गईरहेको ना १ ज ७१८१ नम्बरको जीप दुर्घटनामा परी घाईते फेदीका ७२ वर्षीय दुर्गाप्रसाद राईको निधन भएको हो ।
काठमाडौँदेखि आएका बृद्धलाई घरसम्म छाड्न फेदीतर्फ गईरहेको जिप केपिलास ३ बास्पानीस्थित राँटीमा बुधबार दिउँसो ३ः०० बजे दुर्घटनामा परेको थियो । घाईते राईको जिल्ला अस्पताल दिक्तेलमा उपचारको क्रममा राति ८ः३० बजे निधन भएको हो ।
केपिलासगढी गाउँपालिका अध्यक्ष समीर राईले प्रत्यक्षदर्शीलाई उद्धृत गर्दै बताए अनुसार सडकमा बाँस ढलेर बाटो छेकेको पाएपछि चालक झरेर पन्छाउन खोज्दैगर्दा जीप आफै ब्याक भएर २ सय मिटर तल खसेको थियो ।
मृतकको शव अस्पतालमै पोष्टमार्टमका लागि राखेर आफन्तलाई खवर गरिएको खोटाङ प्रहरीले जनाएको छ । जीप चालक खोटाङकै ऐँसेलुखर्क गाउँपालिका १ का ३६ वर्षीय सत्रुधन राईलाई नियन्त्रणमा लिएर अनुसन्धान सुरु गरेको प्रहरीले जनाएको छ ।
