खोटाङमा टाटा सुमो दुर्घटनाः ७२ वर्षे बृद्ध गम्भीर घाईते

३ महिना अघि

२0८१ पुष १0 बुधबार
खोटाङमा टाटा सुमो दुर्घटनाः ७२ वर्षे बृद्ध गम्भीर घाईते

खोटाङ, पुस ११

खोटाङको केपिलासगढीमा सडकमा रोकेको जीप आफै गुडेर दुर्घटना हुँदा ७२ वर्षीय बृद्ध दुर्गाप्रसाद राई गम्भीर घाईते भएका छन् । काठमाडौँदेखि यात्रु बोकेर आएको ना १ ज ७१८१ नम्बरको सुमो बुधबार दिउँसो दुर्घटना हुँदा केपिलासगढी ३ का राई घाईते भएका हुन् । 


गाउँपालिका अध्यक्ष समिर राईका अनुसार सडकबाट २ सय मिटर तल खसेको जीपमा सवार राईलाई दिक्तेलस्थित जिल्ला अस्पतालमा उपचारार्थ पठाइएको छ ।
प्रत्यक्षदर्शी यात्रुलाई उद्धृत गर्दै अध्यक्ष राईले बताए अनुसार सडकमा बाँस ढलेको देखेर पन्छाउन चालक झरेका बेला जीप आफै गुडेर दुर्घटना भएको हो । 


दुर्घटनामा परेका जीप कच्याक कुच्चुक भएको छ । दुर्घटनालगत्तै फरार भएका चालक इश्वरधन राई साँझ खार्मी प्रहरीको सम्पर्कमा पुगेको बताइएको छ । 
काठमाडौँबाट आएको सुमोका बाँकी यात्रु झरिसकेका थिए । बाँकी यात्रु बृद्ध मात्र रहेकाले उनलाई घरसम्म पु¥याउन लाने क्रममा दुर्घटना भएको प्रत्यक्षदर्शीले बताएका छन् ।