३ महिना अघि
२0८१ पुष १0 बुधबार
गाईघाट, पुस १०
गाईघाटमा बुधबार सम्पन्न ‘प्रथम अन्तर विद्यालयस्तरीय वडाध्यक्ष कप फुटबल प्रतियोगिता ०८१’ प्याराडाईज स्कुलले जितेको छ । थरुहट त्रियुगा रङ्गशालामा सम्पन्न फाईनल खेलमा बालमन्दिर मावि बोक्सेलाई १–० गोलले हराउँदै प्याराडाईज विजयी भएको हो ।
मध्यान्तरअघिको समय दुवै समूहाबाट गोल हुन नसके पनि मध्यान्तरपछिको अन्तिम समयमा आएर प्याराडाईज १ गोल गर्न सफल भयो । प्याराडाईजका अभिशेक खड्काले ८० औँ मिनटमा गरेको पहिलो र अन्तिम गोल नै उपाधि जित्नका लागि निर्णायक हुन पुग्यो ।
अखिल नेपाल फुटबल सङ्घ (एन्फा) उदयपुरको समन्वय र गाईघाट फुटबल क्लबद्वानरा आयोजित प्रतियोगिताको प्रायोजन त्रियुगा नगरपालिका ११ ले गरेको हो । एन्फा उदयपुरका अध्यक्ष रञ्जन कार्कीका अनुसार प्रतियोगितामा विभिन्न ११ विद्यालयको सहभागिता रहेको थियो ।
विजयी खेलाडीलाई एन्फाका केन्द्रीय महासचिव किरण राईले ट्रफिका साथ नगद ५० हजार र प्रमाणपत्र वितरण गरे । उपविजेता बालमन्दिर माविलाई प्रायोजक त्रियुगा ११ का वडाध्यक्ष सुमन्त कोईरालाले २५ हजार नगद, मेडल र प्रमाणपत्र प्रदान गरे ।
