३ महिना अघि
२0८१ पुष ९ मंगलवार
उदयपुृर, पुस ९
त्रियुगा नगरपालिका ११ वडाको प्रायोजनमा गाईघाटमा जारी ‘प्रथम अन्तर विद्यालय वडाध्यक्ष कप फुटबल प्रतियोगिता ०८१’मा बालमन्दिर मावि बोक्से र प्याराडाईज स्कुल गाईघाट फाईनलमा पुगेका छन् । थरुहट रङ्गशाला गाईघाटमा जारी प्रतियोगितामा बालमन्दिरले क्यानभास गाईघाट र प्याराडाईजले उदयसी जलजलेलाई हराउँदै फाईनलको यात्रा तय गरेका हुन् ।
आयोजक गाईघाट फटबल क्लबका अनुसार प्रतियोगितामा विभिन्न ११ टिमको सहभागिता रहेको छ । सोमबार सम्पनन अन्तिम सेमिफाईनलमा बालमन्दिरले क्यानभासलाई २–० र प्याराडाईजले उदयसीलाई २–१ को गोल अन्तरले अराउँदै उपााधिको दावेदार बनेका हुन् ।
बुधबार फाईनल स्पर्धा हुने प्रतियोगिता पुस ५ गतेदेखि सुरु भएको हो । फाईनल खेलमा अखिल नेपाल फुटबल सङ्घ (एन्फा)का महासचिव किरण राई आउने र विजेतालाई ट्रफि तथा प्रमाणपत्र उनकै हातबाट हुने कार्यक्रम रहेको एन्फा उदयपुरका अध्यक्ष रञ्जन कार्कीले बताएका छन् ।
आयोजक ११ नंं वडा कार्यालयका अनुसार प्रथम पुरस्कार ५० हजार नगदसहित ट्रफि र प्रमाणपत्र रहेको छ । उपविजेतालाई २५ हजार नगदका साथ मेडल र प्रमाणपत्र दिइने वडाध्यक्ष सुमन्त कोईरालाले बताए। वडास्तरबाटै खेलकुदको विकास गर्दै युवाहरुलाई खेलमार्फत अनुशासित र गतिसिल बनाउने उदेश्ययले चालुवर्षदेखि वडाबाटै बजेट विनियोजन गरेर वडाध्यक्ष कप प्रतियोगिता आयोजना गर्न थालेको कोईरालाको भनाई छ ।
