पत्रकार महासंघ अध्यक्षमा पोखरेल विजयी

३ महिना अघि

२0८१ मंसिर २९ शनिबार
पत्रकार महासंघ अध्यक्षमा पोखरेल विजयी

उदयपुर, मङ्सिर २९

नेपाल पत्रकार महासंघ उदयपुरको अध्यक्षमा भक्तिविलाश पोखरेल विजयी भएका छन् । शुक्रबार सम्पन्न चुनावमा भोटराज राईलाई पराजित गर्दै पोखरेलले अध्यक्षमा बाजी मारेका हुन् ।

 

काँग्रेस र एमालेको गठबन्धनबाट प्रत्यर्थी पोखेलेलले ६० मत लिदै अध्यक्ष जितेका हुन् । प्रेस सेन्टर नेपालको तर्फबाट उम्मेद्वारी दिएका राईलाई ४३ मत परेको छ । निर्वाचन समिति संयोजक कौशल चेमजोङका अनुसार सचिवमा तुलसी कोईराला, सहसचिव देवराज राई र कोषाध्यक्षमा पुरुषोत्तम सापकोटा विजयी भए ।

 

सचिव र कोषाधायक्षका प्रतिस्पर्धीहरु ऋषि राई र अभिमन्यु लामिछानेलाई परास्त गर्खै कोईराला र सापकोटाले आफुलाई सुरक्षित गरेका हुन् । त्यसैगरी समावेशी सहसचिवमा राकेश नेपालीलाई पराजित गर्दै रञ्जु दनुवार विजयी भएकी छिन् । 

 

सदस्यमा क्रमश: अमित तामाङ, अञ्जनी अधिकारी, खेमराज दाहाल, ढकबहादुर राउत, शङ्कर रिखाम र सिँह राई छनौट भएका छन् ।उपाध्यक्षमा विश्वराज तामाङ र रेणु पराजुली तथा समावेशी सदस्यमा सञ्चार किराँती यसअघि नै निर्विरोध भईसकेका थिए ।