३ महिना अघि
२0८१ मंसिर २४ सोमबार
उदयपुर, मङ्सिर २४
गाईघाटदेखि लिमचुङबुङतर्फ जाँदै गरेको बोलेरो जीप दुर्घट्ना हुँदा चालकको निधन भएको छ । लिमचुङबुङ ४ छाताङस्थित माझखर्क–बाराहा सडकखण्डमा सोमबार मध्यान्ह १२ः०० बजे भएको दुर्घटनामा परी २६ वर्षीय चालक युवराज तामाङको निधन भएको प्रहरीले जनाएको छ ।
मृतक तामाङ त्रियुगा नगरपालिका १६ सुकौराका स्थायी बासिन्दा भएको जिल्ला प्रहरी कार्यालय उदयपुरका निरीक्षक सन्तोष कार्कीले बताए । चालकसहित ७ जना सवार बा १ च ३२६७ नं. को बोलेरो छाताङस्थित तीनचोके घुम्ती सडकमा बैेक फेल भएर दुर्घटना भएको इन्स्पेक्टर कार्कीले बताए ।
दुर्घटनामा परी जीपमा सवार ५ यात्रु घाईते भएका छन् भने एकजना सकुशल रहेको प्रहरीले जनाएको छ । इलाका प्रहरी कार्यालय बाराहाको टोली दुर्घट्नास्थल पुगेर घाईतेहरुको उद्धार गरी उपचारार्थ जिल्ला अस्पताल गाईघाटतर्फ ल्याउने काम भईरहेको छ ।
प्रहरीले घट्नास्थलको कानुनी प्रक्रिया पुरा गरेर मृतकको शव पोष्टर्माटममा लागि जिला अस्पताल ल्याउने तयारी भईरहेको इन्स्पेक्टर कार्कीले बताएका छन् ।
