३ महिना अघि
२0८१ मंसिर १८ मंगलवार
उदयपुुर, मङ्सिर १८
नेकपा (माओबादी केन्द्र) त्रियुगा नगर कमिटीले भर्खरै सम्पन्न उपनिर्वाचनमा खट्ने सबैप्रति धन्यबाद व्यक्त गरेको छ । नगर कमिटी अध्यक्ष मानबहादुर राईले मङ्गलबार एक विज्ञप्ती जारी गर्दै उपनिर्वाचनमा सक्दो खटेर पार्टीका उम्मेदवारलाई विजयी बनाउन खेलेको अहम् भूमिकाप्रति सराहना गरेका छन् ।
'स्थानीयतह उपचुनावमा आआफ्नो क्षेत्र र तहतप्काको जिम्मेवारीमा रहेर पार्टी नीति, निर्देशन र योजना अनुसार अहोरात्र खट्दै' विज्ञप्तीमा उलेलेख छ 'पार्टीका उम्मेद्वार नवीन बान्तवा राईलाई अत्याधिक बहुमत दिलाई वडाध्यक्षमा विजयी गराउन सफल हुनुभएकोमा हार्दिक आभार व्यक्त गर्दछौँ ।'
अध्यक्ष राई र सचिव काशीराज कार्कीद्वारा संयुक्त हस्ताक्षरित विज्ञप्तीमा चुनावी अभियानमा खट्ने, पार्टी केन्द्रीय सदस्यहरु, प्रदश, जिल्ला, क्षेत्र तथा नगर।कमिटी हुँदै वडा र टोल कमिटीमा आबद्धसबैलाई धन्यबाद दिइएको छ ।
त्यसैगरी वाईसिएल नेपाल, अनेरास्ववियु (क्रान्तिकारी) विद्यार्थी, महिला, दलित, आदिबासी जनजाति, रिटर्नी सेन्टर, मजदुर, भूपू सैनिक सङ्घलगायत सबै जनवर्गीय सङ्गठन, जनप्रतिनिधि, पत्रकार, कलाकारलाई पनि विज्ञप्तीमा धन्यबाद दिइएको छ ।
चुनाव शान्तिपूर्ण, स्वतन्त्र, निश्पक्ष र धाँदलीरहित रुपमा सम्पन्न गर्न महत्ववपूर्ण भूमिका खेलेकोमा निर्वाचन आयोग, निर्वाचनमा खट्ने सम्पूर्ण कर्मचारी, सुरक्षाकर्मी, राजनीतिक दलहरु, मतदातालाई पनि अध्यक्ष राईले धन्यबाद व्यक्त गरेका छन् ।
उदयपुरका रिक्त त्रियुगा नगरपालिका १२ र बेलका नगरपालिका ९ को वडाध्यक्षमा माओबादीका उम्मेदवार विजयी भएका छन् । त्रियुगा १२ मा नवीन राई र बेलका ९ मा भरत घिमिरेको शानदार जित भएको हो ।
९ सय २३ मत पाएर वडाध्रायक्ष जितेका ईले प्रतिस्पर्धी दल एमालेभन्दा ३ सय १५ मत र काँग्रेसभन्दा ५ सय६४ मत बढी ल्याएर जितेका छन् । त्यसैगरी ५ सय ५९ मत पाएका घिमिरेले एमालेभन्दा ३४ मत बढी र काँग्रेसभन्दा ५५ मत बढी ल्याएका छन् ।
