४ महिना अघि
२0८१ मंसिर १८ मंगलवार
उदयपुर, मङ्सिर १८
उदयपुरको बेलका नगरपालिका ९ को वडाध्यक्षमा पनि नेकपा (माओबादी केन्द्र)का उम्मेदवार विजयी भएका छन् । गए रति ११:१५ वजे घोषित मत परिणाम अनुसार माओबादीका भरत घिमिरे ५ सय ५९ मत ल्याएर विजयी भएका हुन् ।
घिमिरेका निकटतम प्रतिद्वन्द्वी एमालेका मनोज बस्नेतले ५ सय २५ मत पाए भने काँग्रेसका नवराज बस्नेतले ४ सय ४ मत पाए । जनता समाजबादी पार्टीका राजकुमार राईलाई २ सय ७ मत पर्दा रास्वपाका तेजमान विकले १ सय २३ मत लिएका छन् । राप्रपा २७, नृश्नल मङ्गोल अर्गनाईजेसन ५ र बदर मत ३५ भएको निर्वाचन हधिकृत मोहन गुप्ताले बताए ।
राम्रा मत बदर बनाएको भन्दै बिबाद भएपछि सुरु भएको गणना १६ गते मध्य राति स्थगित भएको थियो । दिनभरको सर्वदलीय छलफलपछि बदर मत पुन: गन्ने सहमतिमा १७ गते साँझ ५:०० वजे गणना सुचारु भएको थियो ।
बेलका ९ मा १ हजार ८ सय ८५ मत खसेको थियो । जसमा पुरुष ८ सय ८० र महिला १ हजार ५ मत खसेको हो । खसेको मत प्रतिशत ६०.१० हो । त्यहाँ कुल मतदाता सङ्ख्या ३ हजार १ सय ३६ छ ।
यता त्रियुगा १२ को परिणाम अघिल्लो विहान नै घोषित हुदा
नवीनकुमार बान्तवा राई वडाध्यक्ष निर्वाचित भएका छन् । राई ९ सय २३ मतका साथ विजयी भएका हुन् ।
त्रियुगा १२ का वडाध्उक्ष नेपाली काँग्रेसका चुडाराज काफ्ले र बेलका ९ मा काँग्रेसकै वडाध्यक्ष पदम खड्काको सवारी दु्र्घट्नामा परी निधन भएपटि पद रिक्त भएको हो ।
