४ महिना अघि
२0८१ मंसिर १७ सोमबार
उदयपुर, मङ्सिर १७
सदरमुकाम त्रियुगा नगरपालिका १२ मा नेकपा (माओबादी केन्द्र)का नवीनकुमार बान्तवा राई वडाध्यक्ष निर्वाचित भएका छन् । अघिल्लो दिन सम्पन्न उपनिर्वाचनमा राई ९२३ मतका साथ विजयी भएका हुन् ।
राति ८:२५ देखि सुरु मत गणनाको परिणाम विहान ८:०० घोषणा गरिएको हो । राईले प्रतिद्वन्द्वीहरु एमाले र काँग्रेसभन्दा चारी मतान्तर कायम गरेका छन् । एमालेका लक्ष्मीनारायण चौधरीभन्दा ३ सय १५ मत बढी ल्याउन सफल भए भन काँग्रेसका उम्मेद्वार सञ्जिव काफ्लेसँगको मतान्तर ५ सय ६४ रहेको छ ।
एमालेका चौधरीलाई ६ सय ८ मत परेको छभने काँग्रेसका काफ्लेले ३ सय ५९ मत पाएका छन् । एकीकृत समाजबादीकी निर्मला चौधरीले ३ सय १२ मत पाएर चौथो स्थान लिएको मुख्य निर्वाचन अधिकृतको कार्यालयले जनाएको छ ।
रास्वपाका ध्रुवप्रसाद कोईरालालाई २ सय २ मत परेको छ भने स्वतन्त्र उउम्मेदवार वजरङ्गवली दासले ३० मत लिएका छन् । त्यसैगरी जनमतका प्रमोद सहनीलाई २०, राप्रपाका लालबाबु साह १७ र नाउपाकी चन्द्रकला चौधरीले ७ मत पाएको निर्वाचन कार्यालयले जनाएको छ ।
२ हजार ५ सय २७ मत खसेको त्रियुगा १२ मा पुरुष १ हजार १ सय २५ र महिलाको मत १ हजार ४ सय २ थियो । कुल ३ हजार ८ सय ४७ रहेको सो वडामा ६६.६७ प्रतिशत खसेको थियो ।
उता रातिदेखि स्थगित चएको बेलका ९ को गणना सुचारु भएको छैन । मध्यराति १२:०० वजेसम्म ५ सय मत गन्दा २ सय २० बदर भएपछि बिबाद हुदा गणना स्थगित भएको हो । अहिले गणना सुचारु गर्न सर्वदलीय बैठक बस्ने तयारी भईरहेको छ ।
बैठक सक्दो छिटो राखेर गणना सुचारु गर्ने निर्वाचन अधिकृत मोहन गुप्ताले बताएका छन् । ५ सय गणनाको परिणाममा एमालेका मोहन खड्का ८५, माओबादीका भरत घिमिरे ८० र काँग्रेसका नवराज बस्नेत ६५ मत पाईरहेका छन् ।
त्यहाँ रास्वपा, जसपा र राप्रपालगायत ७ जन प्रतिस्पर्धी छन् ।
२०७९ को स्थानीयतह निर्वाचनमा त्रियुगा १२ मा चुडाराज काफ्ले र बेलका ९ मा पदम खड्का वडाध्यक्ष विजयी भएका थिए । दुवैको सवारी दुर्घट्नामा परी निधन भएर उपनिर्वाचन हुन लागेको हो । निधन भएका दुवै वडाध्यक्ष काँग्रेसबाट निर्वाचित भएका थिए ।
