त्रियुगामा २५२७ र बेलकन ९ मा १८८५ मत खस्यो, गणना रातिबाटै

४ महिना अघि

उदयपुर, मङ्सिर १६

आजको उपनिर्वाचन उत्साह र शान्तिपूर्ण सम्पन्न भएको छ । तोकिएकै समय विहान ७:०० वजेदेखि सुरु मतदान दिउँसो ५:०० वजेसम्म शान्त र उत्साहका साथ सम्पन्न भएको मुख्य निर्वाचन अधिकृतको कार्यालयले जनाएको छ ।

त्रियुगा १२ मा २ हजार ५ सय २७ मत खसेको छ । जसमा पुरुष १ हजार १ सय २५ र महिलाको मत १ हजार ४ सय २ खसेको छ ।  जुन हिस्सा ६६.६७ प्रतिशत हो । त्यहाँ कुल३ हजार ८ सय ४७ रहेका छन् ।

त्यस्तै बेलका ९, पुरुष १ हजार ८ सय ८५ मत खसेको छ । पुरुष ८ सय ८० र  महिला १ हजार ५ मत खसेको बेलका ९ को यो पोलिङ मत प्रतिशत ६०.१० हो । त्यहाँको कुल मतदाता सङ्ख्या ३ हजार १ सय ३६ हो ।

निर्वाचन आयोगले चाँडै गणना थाल्ने तयारी गरिरहेको निर्वाचन अधिकारी दिपक दाहालले बताए । मत पेटिका सुरक्षित गर्ने,काम सम्पन्न गरेर गणनाको तयारी थालिएको बताए । ढिलोमा १०:०० वजेदेखि मत गन्न थाल्ने गरी तयारी चईरहेको दाहालले बताए ।

त्रियुगा १२ मा ०७९ को चुनावमा भएको बिबनदलाई मध्येनजर गर्दै यसपटक विशेष सुरक्षा सतर्कता अपनाइएको छ । ०७९ को चुनावमा मतदानको क्रममा बिबाद उत्पन्न हुँदा मतदान कार्य स्थगित गर्दा आधाले मतदानमा भाग लिन पाएका थिएनन् । 

दिउँसो ३:०० वजे बिबाद सुरु भएपछि ४:०० वजे स्थगित गरिएको मतदान ७ दिनपछि उच्च अदालतले सुचारु गर्न नपर्ने फैसला सुनाएको थियो । अदातको आदेश अनुिार खसेकै मतलाई सदर मानेर मतगणना गरि नतिजा सार्वजनिक गरिएको थियो । 

रिक्त पदका लागि त्रियुगा १२ मा काँग्रेसका सञ्जिव काफ्ले, एमालेका लक्ष्मीनारायण चौधरी, माओबादीका नवीन वान्तवा राई उठेका छन् । त्यस्तै एसबाट निर्मला चौधरी, रास्वपाबाट ध्रुव पोखरेल, नाउपा, जनमत र स्वतन्त्र गरि ९ जनाले उम्मेद्वार छन् । 

त्यसैगरी बेलका ९ मा नवराज बस्नेत, मोहन खड्का र भरत घिमिरे क्रमश: काँग्रेस, एमाले र माओबादीका उम्मेद्वार छन् भने रास्वपा, जसपा र राप्रपालगायत  ७ ,जनाको भिडन्त हुदैछ । 

२०७९ को स्थानीयतह निर्वाचनमा त्रियुगा १२ मा चुडाराज काफ्ले र बेलका ९ मा पदम खड्का वडाध्यक्ष विजयी भएका थिए । दुवैको सवारी दुर्घट्नामा परी निधन भएर उपनिर्वाचन हुन लागेको हो । निधन भएका दुवै वडाध्यक्ष काँग्रेसबाट निर्वाचित भएका थिए ।