४ महिना अघि
२0८१ मंसिर १६ आईतवार
उदयपुर, मङ्सिर १६
आजको उपनिरवार्चन उत्साहका साथ शान्तिपूर्ण मतदान भईरहेको छ । तोकिएकै समय विहान ७:०० वजेदेखि सुरु मतदान दिउँसो ४:०० वजेसम्म ६० प्रतिशत बढी खसिसकेमो छ ।
जिल्ला निर्वाचन अधिकारी दिपक दाहालका अनुसार रिक्त २ वडाध्यक्षका लागि भईरहेको चुनावमा त्रियुगा नगरपालिका १२ मा २ हजार ४ सय ३० मत खसिसकेको छ । कुल ३ हजार ८ सय ३६ मध्य खसेको मत प्रतिशत ६३.३४ प्रतिशत हो ।
त्यसैगरी बेलका नगरपालिका ९ मा ३:०० वजेसम्म १ हजार ३ सय ५९ मत खसेको छ । त्यहाको कुल मत सङ्ख्या ३ हजार १ सय ३६ मध्य खसेको यो ५७.६४ प्रतिशत हिस्सा हो । दुवै केन्द्रमा मतदान कार्य विहान ७:०० वजेदेखि सुरु भएको र निर्बाध सुचारु भईरहेको मुख्य निर्वाचन अधिकृतको कार्यालयले जनाएको छ ।
त्रियुगा १२ मा ०७९ को चुनावको स्थितिलाई मध्यनजर गरेर यसपटक विशेष सुरक्षा सतर्कता अपनाइएको छ । अघिल्लो चुनावमा एक्कासी बिबाद उत्पन्न हुँदा मतदान कार्य स्थगित भएर आधा मतदाता मतदानबाट वञ्चित हुन पुगेका थिए ।
दिउँसो ३:०० वजे सुरु बिबाद समाधान नभएपछि ४:०० वजे स्थगित गरिएको मतदान ७ दिनपछि उच्च अदालतले सुचारु गर्न नपर्ने फैसला सुनाएको थियो । अदातको आदेश अनुिार खसेकै मतलाई सदर मानेर मतगणना गरि नतिजा सार्वजनिक गरिएकोथियो ।
त्रियुगा १२ मा काँग्रेसका सञ्जिव काफ्ले, एमालेका लक्ष्मीनारायण चौधरी, माओबादीका नवीन वान्तवा राई वडाध्यक्षका प्रत्यासी छन् । त्यस्तै एसकी निर्मला चौधरी, रास्वपाका ध्रुव पोखरेललगायत नाउपा, जनमत र स्वतन्त्र गरि ९ जनाले स्पर्धा गर्दैछन् ।
त्यसैगरी बेलका ९ मा नवराज बस्नेत, मोहन खड्का र भरत घिमिरे क्रमश: काँग्रेस, एमाले र माओबादीका उम्मेद्वार छन् भने रास्वपा, जसपा र राप्रपालगायत ७ ,जनाको भिडन्त हुदैछ ।
०७९ को स्थानीयतह निर्वाचनमा त्रियुगा १२ मा चुडाराज काफ्ले र बेलका ९ मा पदम खड्का विजयी भएका थिए । दुवैको सवारी दुर्घट्नामा परी निधन भएर उपनिर्वाचन हुन लागेको हो । निधन भएका दुवै वडाध्यक्ष काँग्रेसबाट निर्वाचित थिए ।
