उपनिर्वाचन: आज रातिदेखि मौन अवधि सुरु

४ महिना अघि

२0८१ मंसिर १३ बिहीबार
उपनिर्वाचन: आज रातिदेखि मौन अवधि सुरु

गाईघाट, मङ्सिर १३

आसन्न उपनिर्वाचनको मौन अवधि आज मध्यरातिदेखि सुरु हुदैछ । मौन अपधि हुनुअघि सबै दल र स्वतन्त्र उम्मेदवारहरु आक्रामक प्रचारप्रसारमा उत्रिएकाछन् ।


आगामी १६ गते हुने उपनिर्वाचनका लागि मङ्सिर २ गते उम्मेदवारी दर्ता गरि ५ गते चुनाव चिन्ह पाएर प्रचार अभियान सुरु भएको थियो ।


निर्वाचन आयोगले बिहीवार मध्यराति १२:०० वजेदेखि मौन अवधि तोकेको छ । जिल्ला निर्वाचन कार्यालयले मध्यरातिदेखि मौन अबधि सुरु हुने र मतदानको दिनसम्म रहने जनाएको छ । आयोगको आचारसँहिता अनुसार मौन अबधिमा ख्ल्ला प्रचार गरेको पाइए कारबाही हुने निर्वाचन अधिकारी दिपक दाहालले बताए । उनले आयोगले बाक्लो अनुगमन गरिरहेको पनि उनले बताए ।


मौन अवधिमा खुलेर प्रचारप्रसार गर्न नमिल्ने भएकाले अन्तिम दिन विहानदेखि साँझसम्म सबै राजनीतिक दल र स्वतन्त्र उम्मेदवारले प्रचार अभियानलाई व्यापक बनाएका हुन् । 


उदयपुरका त्रियुगा नगरपालिका १२ र बेलका नगरपालिका ९ को रिक्त वडाध्यक्षमा चुनाव हुदैछ । सदरमुकाम गाईघाटसित जोडिएको वडा भएकाले पनि दल र उम्मेदवारहरुले चुनावी प्रचार अभियानलाई बजार केन्द्रित गरेको पाइयो । त्यसैले होला १२ नं. वडाको चुनावी प्रचार वजारक्षेत्र रहेको ११ नं. वडामा क्न्द्रित गरेका छन् । अझ जिल्लाकै सुदूर पूर्वी बेलका ९ को प्रचारसमेत गाईघाटमै गर्ने मोह  उम्मेदवारमा देखियो ।  


प्रचारको अन्तिम दिन, काँग्रेस, एमाले, माओबादी, रास्वपा, राप्रपा, एस, नाउपा, जनमत र स्वतन्त्र उम्मेददवाहरु तालुक पार्टी नेता कार्यकर्ताका साथ र्यालीसहित बजार परिक्रमामा उत्रिए । 


अन्तिम प्रचार चएकाले ठूला साना सबै दलहरसँगै स्वतन्त्रसम्म उम्मेदवारहरुले मोटरसाईकल र्याली, जीप, सिटी र अटोमा सवार तथा पैदल यात्राका साथ मतदाताको ध्यान खिच्ने प्रयास ग।रेको पाइयो । 


त्रियुगा १२ मा काँग्रेसका सञ्जिव काफ्ले, एमालेका लक्ष्मीनारायण चौधरी, माओबादीका नवीन वान्तवा राई वडाध्यक्षका प्रत्यासी छन् । त्यस्तै एसकी निर्मला चौधरी, रास्वपाका ध्रुव पोखरेललगायत नाउपा, जनमत र स्वतन्त्र गरि ९ जनाले स्पर्धा गर्दैछन् । 


त्यसैगरी बेलका ९ मा नवराज बस्नेत, मोहन खड्का र भरत घिमिरे क्रमश: काँग्रेस, एमाले र माओबादीका उम्मेद्वार छन् भने रास्वपा, जसपा र राप्रपालगायत ७ ,जनाको भिडन्त हुदैछ । 


०७९ को स्थानीयतह निर्वाचनमा त्रियुगा १२ मा चुडाराज काफ्ले र बेलका ९ मा पदम खड्का विजयी भएका थिए । दुवैको सवारी दुर्घट्नामा परी निधन भएर उपनिर्वाचन हुन लागेको हो । निधन भएका दुवै वडाध्यक्ष काँग्रेसबाट निर्वाचित थिए ।