२ दिन अघि
२0८१ मंसिर ५ बुधबार
गाईघाट, मङ्सिर ५
गाईघाट असारीमा बुधबार साँझ ट्याक्टर र मोटरसाईकल एकापसमा ठोक्किदा त्रियुगा नगरपालिका १३ लक्ष्मीपुरका ४५ वर्षीय महादेव चौधरीको निधन भएको छ । उनका २ बालक छोराहरु घाईते भएका छन् ।
साँझ ६ः०० बजे गाईघाटदेखि छोराहरुलाई लिएर घर जाँदै गरेका चौधरी सवार देश १–०५–००१ प् ४२६ र पश्चिमतर्पm आउँदै गरेको स १ त ५७४२ नं. को ट्याक्टर एकापसमा ठक्कर खाँदा दुर्घटना भएको प्रहरीले जनाएको छ ।
पूर्वपश्चिम बरुवा बसपार्कदेखि असारी जाने बरुवा पुल छेउमा भएको दुर्घटनामा गम्भीर घाईते भएका चौधरीको उपचारको क्रममा साँझ ७ः०० बजे जिल्ला अस्पताल गाईघाटमा निधन भएको हो ।
उनको मोटरसाईकलमा सवार मृतक चौधरीका १० र १४ वर्षीय दुई छोरा गम्भीर घाईते भएको जिल्ला प्रहरी कार्यालयका सूचना अधिकारी डिएसपी राजन चापागाईले बताए । उनीहरुलाई जिल्ला अस्पतालमा प्रारम्भिक उपचारपछि थप उपचारका लागि विराटनगर पठाइएको छ ।
मृतकको शव पोष्टमार्टमका लागि जिल्ला अस्पतालमै राखिएको छ । घट्नाबारे प्रहरीले अनुसन्धान सुरु गरेको जनाएको छ ।
