१ महिना अघि
२0८१ कार्तिक ५ सोमबार
बगाहा, कात्तिक ५
बगाहाका चर्चित खेलाडी स्वर्गीय कैलाश राई (युवराज)को स्मृतिमा त्रियुगा नगरपालिका ४ बगहामा जारी फुटबल प्रतियोगितामा आज तेस्रो दिनको खेलमा चौदण्डीगढीस्थित बेल्टार एकता युवा समूह र सिन्धुलीको दुधौली स्पोर्टस क्लबबीच प्रतिस्पर्धा हुदैछ ।
गत शनिबारदेखि सुरु भएको प्रतियोगिताको पहिलो दिन त्रियुगा नगरपालिका ८ राजाबासस्थित सगरमाथा फुटबल क्लब जितेको छ । सगरमाथाले आरवाईसी क्लब सिराहालाई पराजित गरेको हो ।
त्यसै गरी दोस्रो दिनको खेलमा फ्युजन क्लब बोक्से त्रियुगा १० विजयी भएको छ । आयोजक बगाहा युवा समूलाई १–० गोलले पराजित गर्दै फ्युजन विजयी भएको हो । आगामी १० गतेसम्म चल्ने प्रतियोगितामा उदयपुर, सिराहा, सिन्धुली र सप्तरीका गरी ८ वटा टिमको सहभागिता रहेको प्रतियोगिता आयोजक बगाहा युवा समूहले जनाएको छ ।
जिल्ला फूटबल संघ (एन्फा) उदयपुरको समन्वय तथा बगाहा युवा समूहको आयोजनामा जारी प्रतियोगिता विजेता टिमलाई ५१ हजार नगदका साथ ट्रफि र प्रमाणपत्र प्रदान गरिने छ । त्यस्तै उपविजेताले ३१ हजार नगदसहित ट्रफि र प्रमाणपत्र प्राप्त गर्ने आयोजक क्लबले जनाएको छ ।
